تورکیش ئێرلاین دێ درێژاهیێ ب گەشتێن خۆ بۆ هەولێر و سلێمانیێ دەت
ئەڤرۆ نیۆز،زنار تۆڤی:
کۆمپانیا فرۆکەڤانی یا تورکیش ئێرلاین هەتاکو نوکە بلیتا گەشتێ دناڤبەرا ھەولێر _ئیستەنبول و سلێمانی_ ئیستەنبول دفرۆشیت و هەموو کەسەک دشێت ل سەر مالپەرێ وێ ب شێوێ ئۆن لاین بلێتێ بۆ پشتی رۆژا ئەینی 29/9/2017 ژی ببریت.
رۆژناما (جمھوریەت) یا تورکی بەلاڤکریە،کو حوکمەتا تورکیا راگەهاندیە،دێ پابەند بیت ب بریارێن حوکمەتا عێراقێ ب راگرتنا گەشتێن ئەسمانی بۆ فرۆکخانێن هەرێما کوردستانێ،بەلێ کۆمپانیا تورکیش ئێرلاین بۆ رۆژانێن پشتی ئەینیێ ژی بلێتا دفرۆشیت.
رۆژا چارشەمبی 27/9/2017 ڤێ کۆمپانیێ د بەیاننامەیەکێدا راگەهاندیە،کو گەشتێن خۆ بۆ هەردو فرۆکخانێن نێڤدەولەتی یێن هەولێر و سلێمانیێ رانەگرتینە و هیچ ئاگەهداریەک ژی بۆ راگرتنێ،نە گەهشتیە وان.
