تورەبوونا كوردان ژبریارا ترامپى یا بێ بنەمایە
ئەڤرۆنیۆز، سالار دۆسكی:
بەرپرسێ پەیوەندیێن وەزارەتا ئەوقاف و كارۆبارێن ئاینی ل حوكمەتا هەرێما كوردستانێ راگه‌هاند، تورەبوونا خەلكێ كوردستانێ ژبریارا سەرۆكێ ئەمریكى بۆ دانپێدانێ ب قودسێ وه‌كو پايته‌ختێ ئيسرائيلێ تورەبوونەكا بێ بنەمایە.
مه‌ریوان نەقشەبەندی بەرپرسێ پەیوەندیێن وەزارەتا ئەوقاف و كارۆبارێن ئاینی ل حوكمەتا هەرێما كوردستانێ گۆت” خەلكێ فلستینێ رۆژەكێ ژی بۆ كوردان عاجزنەبووینە، دپرۆسا ریفراندومێ دا، فلستين ئێكەم وەلات بو پشتەڤانیا خوە حوكمه‌تا عيراقێ وئێكپارچەیا عیراقێ دیاركری”.
مەریوانی ئەو ژی گۆت” ئەوا نوكە دروست بووه كێشەكە دناڤبەرا وەلاتێن عەرەبی و ئەمریكا دا ونە ژدوور و نە ژنێزیك مە كوردان چو پەیوەندی ل گەل نینە، ناڤێ وى باژێرى ئۆرشەلیم بیت یان قودس بیت، سەر ب ئيسرائیلێ ڤه بیت یان فلستینێ، تێناگەهم دێ چ مفا گەهیتە كوردان، هەتا هندەك داخوازا خوە نیشادانان بكەن؟”.
خوياكر”هەموو ئاینێن هاتینە خوارێ بۆ مرۆڤایەتیێ نە و دڤێت ئەم كورد هیڤێن ئاشتیێ بخوازین و نەبینە لاینگرێن چو كەسان كو مە چو مفا تێدا نەبیت”.
