تیرى پترى 60 دیكل و مریشكان دكوژن
ئه‌ڤرۆ نیوز،زنار توڤى:
ئه‌ڤه ماوێ دوو سالانه ب شێوه‌یه‌كێ به‌رچاڤ گیانه‌وه‌رێن تیرى زێده‌بوینه،له‌ورا هه‌رده‌مێ بو شه‌ڤ ب كومێن مه‌زن خوه نێزیكى گوندان دكه‌ن و زور جاران خه‌لكێ گوندێن ده‌ڤه‌را به‌روارى بالا،وان ب شێوێ كوم دبینن. فاروق عه‌لى خودانێ وان دیكل و مریشكانه یێن كو گیانه‌وه‌رێن تیرى كوشتین بو ئه‌ڤرۆ نیوز راگه‌هاند:كو ل شه‌ڤا 13/11/2014 ل گوندێ گركا ل ده‌ڤه‌را به‌ورارى بالا كومه‌كا تیریان ب شه‌ڤ شیاینه بچنه دناڤا كولێ وى یێ مریشكاندا و د ئه‌نجامدا پترى 60 دیكل و مریشكان كوشتینه و خو ئێك ژى نه‌هێلایه ساخ و دبێژیت:ئه‌ڤه چه‌ندین سالن من ئه‌و دیكل و مریشك بخودانكرن و من مفایه‌كێ باش ژێ ددیت و زور جاران من هێك دفروتن و بو من داهاته‌ك ژێ دهات،لێ تیریان هه‌مى كوشتن و لدورێن 800 هزاران زیان گه‌هاندینه من.
