تێهنییێ ئەشقا تەمە
هشیار ئیبراهیم
تێهنیێ وان سینگ و بەرا مە
ئەوێن من
ب زارۆیی خودان کرین..
یێ وان چاڤا مە؛
ئەوێن من تێدا
ژیان ناسکری..
تێهنیێ وان لێڤا مە
ئەوێن
ب تاما لێڤێن خۆ
من مەزن کرین..
یێ وێ گەردەنێ مە
ئەوێ ژ ماچێن من خەریب کری..
تێهنیێ وان ڕوییا مە
ئەوێن تنێ
خودای ژبۆ من حەلال کری..
ژبەر تێهنیێ ئەشقا تە
دناڤ مەیخانادا
مەست و سەرخۆش کری..
هندی ڤەدخۆم فایدە ناکەت
تنێ حەزێن خو دنڤینم..
ڤێجا وەرە
دا ب کۆپەکێ
شەرابا ئەشقا تە
تێهنا خۆ بشکێنم.