تێگههێ تهبایی و ئێكرێزی و پێكڤهژیانێ
زهنون سلێڤانهی
بابهتێ پێكڤهژیانێ ژ تهخا مرۆڤان دهسپێدكهت و ل سهر رویێ ڤێ ئاخێ و یهزدانێ مهزن ههر ئێك ب رهنگهكێ ئافراندنا ژیانێ ل گهل بهنیێن خوه كرینه، تامكرینه ههناسهیا ژیانێ ژبلی بهرژهوندیێن وان یێن تاكهسی ب هندهك سالۆخهتێن ژیانێ ڤه گریدایێ یه، ههلبهت ل گهل حهزكرنا سروشتێ وهلاتی و خاك و زمان و كهلتوور د ناڤا ههست و دهروونێ ههر مرۆڤهكی دا، یا خوهیایه بۆ سهرفهرازیا پێكڤهژیانێ، ئهو ژی ڤهدگهریت ب هزر و بیر و بۆچوونێن مرۆڤی بخوهڤه گرێدایه، باوهری ب ههبوونا ئوول و نهتهوه و گهل و وهلاتی وی، ب تایبهت د ڤێ قووناغا تێگههشتن و ئایدلۆژیا ل سهردهمێ ڤی چاخی پێكڤهژیانا مرۆڤێ كورد یێ گههشتیه ئاستهكی بهرز و بلند و پێشكهفتی، بێگومان هێشتا نهحهز و دوژمنێن گهلێ مه بهردهوام پێكۆل و بزاڤ كرینه ب وێ سیاسهتاخوهیا ل سهر بنهمایێن عهقلێ داگێركهریێ و ستهم و نههامهتیێ دژی مافێن رهوایێن چارهنڤیسازا گهل و نهتهوێن مه، راوهستاینه ژبۆ ههڕماندن و شێلیكرنا ژینگهها دیمۆكراسیهت و پێكڤهژیانا ئۆلی و نهتهوهیێ،
سهبارهت ههرێما كوردستانێ یێ بوویه ئێك ژ ناڤهندێن ههرا ناڤدار ب ئاشتیێ و تهبایێ و ئێكرێزیێ و پێگههاندن و پهروهردهكرنا پێگههێن رێبازا راستهقینه یا سهركردێن خوه یێن ئاشتیخواز و بهرگریكرن ژ ئارمانج و دهستكهڤتیێن پاشهرۆژا گهلێ خوه بوو د قووناغێن داهاتی دا پرۆژهێن ئاشتیێ ب ههبوونا كیانهكی سهربخوهیێ مسۆگهر بكهت ژ پێخهمهت ههبوونا ئیرادهیهكا خۆراگر ل بهرامبهری ههمی ئاستهنگ و كێشه و كریزان دێ تهبایێ و ئێكریزیا گهلێ كورد و پێكڤه ژیانا ههر نهتهوهكێ بهرقراتربیت.
ئارمانجا مه یا سهرهكی د ڤێ قووناغا ئهم تێدا دهربازبن ب ههڤرا بزاڤێ بكهین ژبۆ بدهستڤهئانینا ئهو هیڤیی و ئۆمێدێن گهلێ مه، ههیا نها ژی هێشتا یێ د ناخ و دهروونێ ههر مرۆڤهكی كوردا یێ مایه ههلاویستى، جهێ داخێ یه بۆیهر و روودانێن خیانهتكار و پیلانێن دوژمنان بوویه ئاستهنگ د رێیا سهربخوهیا پێكڤهژیانا گهلێ مه كرێتكرن و ئیهانهكرنا ڤێ تهبایێ و ئێكرێزیا ل ناڤمالا كوردی پێخهمهت ژبۆ بهرژهوندیێن خوه یێن سیاسی و خیانهت و خوهفرۆشیێ.
مهبهستا ژ ڤی بابهتی ئهوه، دیسا ئهم كار و خهباتێ بكهین هاریكار و پشتهڤان بین ل گهل ههمی دامودهزگههێن خوه یێن ئاسایش و ئێمناهیێ ژبۆ پاراستنا ڤێ سهروهریێ و سهقامگێریا گهلێ كوردستانێ و پێكڤهژیانێ دا ئێمن و سهرفهرازی بژین.
