جڤاتا بەسرا:سوتنا ئاڤاهيێ پارێزگه‌هێ به‌لگێن دژى گه‌نده‌لكاران ژناڤبرن
ئه‌ڤرۆنيوز:
سه‌رۆكێ ليژنا دارايى ل جڤاتا پارێزگه‌ها به‌سرا ئه‌ڤرۆ پێنجشه‌مبى 6/9/2018 راگه‌هاند، ئه‌و ئاگرێ ل ئاڤاهيێ پارێزگه‌ها به‌سرا گرتى وپشكه‌كا مه‌زن ژێ سوتى، چه‌ندين به‌لگه ونڤيسارێن گرنگ ل پشكا دارايى وپلاندانانێ ل پاريزگه‌هێ كو دژى گه‌نده‌لكاران بوون ژناڤبرن.
ئه‌حمه‌د سلێتى، سه‌رۆكێ لژنا دارايى ل جڤاتا پارێزگه‌ها به‌سرا بۆ مالپه‌رێ (المعلومه) گۆت” ئاگر تنێ ل قاتێ دوێ ژ ئاڤاهيێ پاريزگه‌هێ وكه‌ره‌ڤانێن ده‌وروبه‌رێن ئاڤاهى ڤه‌گرت، ل قاتێ دويێ پشكێن پلاندانانێ وكاروبارێن دارايى وئه‌ندازيارى تێدا يێن هه‌ين وئاگر بۆ ئه‌گه‌رێ ژناڤچوونا چه‌ندين به‌لگه‌نامێن گرنگ”
سلێتى رۆهنكر ژى” ئه‌و به‌لگه‌نامێن سوتين تايبه‌ت بوون ب پشكا گرێبه‌ستان ودبيت ل دژى گه‌نده‌لكاارن هاتبانه بكارئينان هه‌كه لێپرسين ل گه‌ل تۆمه‌تباران هاتبا كرن”.
