جڤاتا پارێزگه‌ها نه‌ينه‌وا دو رۆژ كرنه بێهنڤه‌دان
ئه‌ڤرۆنيۆز:
جڤاتا پارێزگه‌ها نه‌ينه‌وا برياردا هه‌ردو رۆژێن چارشه‌مبى وپێنج شه‌مبى ببنه بێهنڤه‌دان ب هه‌لكه‌فتا چليا ئيمام حوسه‌ينى.
بشار كيكى سه‌رۆكێ جڤاتا پارێزگه‌ها نه‌ينه‌وا د به‌ياننامه‌كێ دا، ل دووڤ سومه‌ريه نيۆز، دبێژيت( ب هه‌لكه‌فتا چليا شه‌هيدكرنا ئيمام حوسه‌ينى كو دكه‌ڤيته رۆژا پێنج شه‌مبى 9/11/2017، سه‌رۆكاتيا جڤاتا پارێزگه‌ها نه‌ينه‌وا بريار دا هه‌ردو رۆژێن چار شه‌مبى و پێنجشه‌مبى بێهنڤه‌دانا فه‌رمى بيت ل هه‌موو رێڤه‌به‌ريێن حكومى ل پارێزگه‌ها نه‌ينه‌وا).
پارێزگه‌هێن كه‌ربه‌لا ونه‌جه‌ف وبابل وناصريه وبه‌سره ل باشوورێ عيراقێ بريار دابوو چه‌ندين رۆژێن ڤێ حه‌فتيێ ببنه بێهنڤه‌دانێن فه‌رمى ب هه‌لكه‌فتا چليا ئيمام حوسه‌ينى.
