جێگرێ پارێزگه‌رێ نه‌ینه‌وا: د دابینكرنا بودجه‌ی دا غه‌در ل شنگالێ هاتیه كرن
رفعه‌ت سمۆ، جێگرێ پارێزگه‌رێ نه‌ینه‌وا راگه‌هاند، ئه‌و پارێ حوكمه‌تا ئیراقێ بۆ مووسلێ و ده‌وروبه‌ران هنارتی 360 ملیار دیناره و ژ وی بودجه‌ی پشكا شنگالێ 28 ملیار دینار هاتینه ته‌رخانكرن كو پاره‌كێ گه‌له‌ك كێمه هه‌مبه‌ركرن ل گه‌ل وان زیانێن به‌ر ب شنگالێ كه‌فتین ژ روویێ مادی و گیانی ڤه، له‌وما پێدڤی بوو د وی بودجه‌ی دا پشكا شێری به‌ر ب شنگالێ بكه‌ڤیت،.
گۆت ژی” پێدڤی بوو حیسابه‌كا تایبه‌ت بۆ شنگالێ هاتبا كرن و گۆژمه‌كێ زێده‌تر ژ بودجه‌ی بۆ هاتبا دیاركرن، چونكه شنگال ژ پارێزگه‌ها نه‌ینه‌وا زوورترین زیان گه‌هشتینێ ژ روویێ گیانی و مادی ژی ڤه”.
دیاركر” نوكه ده‌ست ب خه‌رجكرنا پاره‌ی دێ هێته كرن و دێ هێته دان بۆ قونته‌رچیان بۆ وێ چه‌ندێ ب رێیا فه‌رمانگه‌هان پرۆژه ل هه‌موو سێكته‌ران بهێنه ئه‌نجامدان، چونكه شنگالی ژ ئه‌گه‌رێ شه‌رێ داعشێ یا وێران بووی و پێدڤی ب هه‌موو جۆره خزمه‌تگوزاریه‌كێ هه‌یه”.
