جەرجیس رەشید یێ ئامادەکاریا بۆ ریکوردەکێ نوو دکەت
ئەڤرۆ، سەباح زوھێر:
وەرشڤان و قارەمانێ باژێرێ دھوکێ جەرجیس رەشید بۆ روژناما ئەڤرۆ ددەتە دیارکرن کو نوکە یێ خوە ئامادە دکەت بۆ شکاندنا ریکوردەکێ دی یێ شناوان کو قارەمانیەک دێ ل وەلاتێ تورکیا ھێتەکرن و داخواز ناما پشکداریێ بو ھاتیە و زێدەتر ناڤاھاتی گوت: نە یا دیارە ھەڤرکیێ بو تومارکرنا ڤی ریکوردی دێ ب ناڤێ خوە کەم و دێ ب پشتەڤانیا کێ بیت، چونکی ھەتا نوکە چو لایەنکێ پشتەڤانی نەکریە، لەوما ھەر کەسێ پشتەڤانیا من بکەت دێ ب ناڤێ وی چم و رێکلامێ بۆ وی کەم، ئەڤجا چ کورد بیت یان عەرەب بیت.
جەرجیس رەشید کو خودانێ چەند دەستکەفتێن جیھانی یە کو ئێکەمین کوردە ل سەر ئاستێ عێراقێ و کوردستانێ ناڤێ خوە ل پەرتوکا گینس تومارکری و زێدەتر دبێژیت: بۆ من ھەستەکێ گەلەک خوش بوو کو شیام ریکوردا شناوان ئێک دەمژمێری و ئێک خولەکی بشکێنم و ناڤێ خوە توماربکەم و من دڤێت زێدەتر دەستکەفتا توماربکەم.
ل دووماھیێ خویاکر کو خوە راگری و باوەری ژ ھەر بابەتەکی مەزنترە و چو جاران ھەژاری و بێ دەستھەلاتی نابنە رێگر ل ھەمبەر حەز و ئارەزویا چو کەسەکی و پشتی ١٤ سالان شیا خەونا خوە ب جە بینت و ناڤێ خوە د پەتوکا گنس دا تومار بکەت.
گۆت ھەستێ من ئەو بوو دەمێ ئێکەمین جار ناڤێ من چوویە د پەرتوکێ دا کو کورەکێ ھەژار و بێ دەستھەلات و بێ پشتەڤانیا ھیچ لایەنەکی و بێ پشتەڤانیا مادی شیام ناڤێ خوە توماربکەم.
