حه‌سه‌ن شه‌ريف په‌يامه‌ك يا هه‌يى
ئەڤرۆ، سالار دۆسکی:
ھونەرمەند حەسەن شەریف، دیارکر کو ب پشتێگریا ناڤەندا کوردی یا مەرکەزی یا دجیلە و فۆرات یا ئامەدێ، ئاھەنگ بۆ پشتگێریا شنگال و کۆبانێ بۆ ئاھەنگێ ھاتبوومە داخازکرن، دگەل چەندین ھونەرمەندان ژ ھەر چار پارچێن کوردستانێ کو ھەتا (٢٧) سترانبێژان بووینە دگەل کومێن ھونەری.
ھونەرمەند حەسەن شەریف زێدەتر بۆ بەرپەرێ ھونەری گۆت: چوونا مە پەیامەک و پشتەڤانیەک بۆ بۆ گەلێ مە ل شنگال و کۆبانێ بۆ ھەموو کوردستانێ، ب سترانەکێ پشکدارببوم، لدۆر بۆچی ئاھەنگ پشتەڤانیێ باشور نین، حەسەن شەریف گۆت: گەلەک جاران من پێشنیارکریە بۆ رەوشەنبیریا ڤێرە ژی و گەلەک دەزگەھێن دی ژی و من بەرھەڤیا خوە نیشادایە وەک سترانبێژەکێ ھندەک شەڤ و کونسێرت بھێنە گێران بۆ گەرکی و ھشیارکرنا خەلکی ژ گەلەک مەترسیان، دھۆکێ ھەولێر و دەر دوران بیت و مخابن ھەتا نوکە نەھاتیەکرن، حەزدکەم ب رێکا رۆژناما ھەوە ڤێ پەیامێ بگەھینم بۆ رەوشەنبیریا دھۆکێ وھەموو دەزگەھێن ھونەری و کوردێن رۆژئاڤا ھەنە و تشتەک بھێـتەکرن، ھێشتا گۆت: پێدڤی یە مرۆڤ دگەل گەلێَ وە بیت ئێکگرتنا مللەتێ کورد، گەلێ من دل ب ئێک ڤە ھەیە و دل بۆ ئێک دو سوشیتن پێدڤیە ھونەرمەند ببنە پرەک بۆ نێزیکرنا کوردان و رێزگرتنەک بۆ شەھیدێن گیانێ خوە کریە ل ھەر بەشەکێ کوردستانێ و قەدرا کوردان ئێکە ھەر ل کیرە بیت، چونکە ھونەر تایبەت مۆزیک پەیامەکا گەلەک گرنگە و پێدڤی یە ئەڤ تشتەبھێـتەکرن.
حەسەن شەریف ئاشکراکر کو نێزیکی دو ھەیڤە ئەلبووما وی بدووماھی ھاتیە ژبەر کاودانێن نوکە ل ھەرێما کوردستانێ ھەموو تشتێ خوە راوستاندیە و ھەتا بھارەکا خوەشیێ دەرکەڤیت و نوکە ناھینتەخوارێ، گۆتژی: دگەل مامۆستا(دلشاد محەمەد سەعید) پشکدارە د سروودا پێشمەرگەدا و سروودا شنگال، نێزیک پێشمەرگە دھێتە خوار، دیسان سترانەک بۆ زارۆیێن شنگال دگەل زارۆیێن بەھدینان دھێتە گۆتن بەرھەمەکێ نوویە و چەندین سروودێ، دی دێ بۆ کوردستانێ چێکەین.
