حه‌سه‌ن نه‌سروللا:دێ خوه ژ عيراقێ ڤه‌كێشين
ئه‌ڤرۆنيۆز:
ئه‌ميندارێ گشتيێ حزبوللا يا لوبنانى راگه‌هاند، ئێدى پێدڤى ب هه‌بوونا كادرێن حزبوللا ل عيراقێ نه‌مايه، پشتى ئازادكرنا باژيرێ راوه ل رۆژئاڤايا پارێزگه‌ها ئه‌نبار كو دووماهى ده‌ڤه‌را عيراقى بوو دده‌ستێ داعشێ دا.
حه‌سه‌ن نه‌سروللا ئه‌ميندارێ گشتيێ حزبوللا يا لوبنانى د گۆتاره‌كا ته‌له‌ڤزيۆنى دا دووپاتى ل سه‌ر گرنگيا ئازادكرنا باژێرێ ئه‌لوكه‌مال يێ سوورى وباژێرێ راوه يێ عيراقى ژده‌ستێ داعشێ.
گۆت ژى، راگه‌هاندنا سه‌ركه‌فتنا عيراقێ ل سه‌ر داعشێ يا نێزيكبووى و داعش يا هاتيه شكه‌ستن وئێدى پێدڤى ب هه‌بوونا كادرێن حزبوللا ل عيراقێ نه‌مايه ودێ ل هيڤيا راگه‌هاندنا سه‌ركه‌فتنا عيراقێ بين ل سه‌ر داعشێ ژبۆ وه‌رگرتنا پێنگاڤێن گونجاى ل دۆر هه‌بوونا سه‌ركرده وكادرێن حزبوللا ل عيراقێ.
