حه‌فتیه‌كه داوه‌تا خوه كرى، مالا وى ب تمامى هاته سوتن
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نوكه ل سه‌نته‌رێ ناحیا شێلادزێ ئاگر به‌ربوویه ماله‌كێ و زیانێن زور یێن مادى به‌ركه‌فتن، به‌ره‌ڤانیا باژێرى دیاركر كو ئه‌ڤه تنێ حه‌فتیه‌كه خودانێ ئه‌وێ مالێ داوه‌تا خوه كرى.
زیاد رێكانى، ل به‌ره‌ڤانیا باژێرى ل شێلادزێ بۆ ئه‌ڤرۆ نیوز گۆت: (ده‌مه‌كێ كێم به‌رى نوكه ژ ئه‌گه‌رێ سوپا گازێ ئاگر به‌روبویه ماله‌كا شێلادزێ و خانو ب كه‌لوپه‌ل ڤه هه‌موو سوت و زیانێن زور پێكه‌فتن)
زێده‌تر گۆت: (خێزان ماله‌كا هه‌ژارا ئاواره‌یه و بتنێ حه‌فتیه‌كه داوه‌تا خوه كرى، ئاگر ژلایێ بنگه‌هێ به‌ره‌ڤانیا باژێرى ل شێلادزێ هاتیه كونترولكرن، دیسان لژنه‌ك ژى بو خه‌ملاندنا زیانێن وێ هاتیه پێكئینان).
