حوكمەتا ئیراقـێ ل سـالا 1968 گوندێ دەحلكـێ ب ناپالمان بومبە بارانكـر
رەمەزان دەشتمری/ زاخۆ
4-8
پێشمەرگەیێ شۆرەشا گۆلانێ حەسەن حاجی هەروەسا گۆت: ل ناڤەڕاستا هەیڤا حەفت یا سالا 1979ی بریار هات دان ئەم هەژمارەكا پێشمەرگەیی بۆ ڕۆژهەلاتێ كوردستانێ بچین و هندەك چەكی دگەل خۆە بینن. ئەوبی ئەم هەژمارا بیست و هەشت پێشمەرگەیان ل ئەوی دەمی كاروان ئاكرەیی و جەمتال زاویتەیی وەك كادر دگەل مە بین و ل دانێ نیڤرو پێڤە هەر ئێك ژمە دوو نان كرنە دناڤ شویتكا خوەدا ئەم ژ بارەگایێ كوماتەیی دەركەتین و ئەو ناڤێن هینگێ ل بیرا من ئەڤەبین سەلیم مشەختی ، حسێن ئەغمور، تاهر یوسفی عەلی سالح، شەریف ، بەدەل و بۆ گوندێ ئاروشێ هاتین. و گەهشتن مەیدان بەلەك و ل وێرێ چەند زومێن كوچەرێن قەشویریا لێ هەبین و ل ئەوێ شەڤێ ئەم ل دەف ئەوان زومەیان بین مێهڤان و مە شیڤ ل وێرێ خوار و مە بێهنا خوە ڤەدا. ئەوبی ل دەمژمێر سیێ سپێدێ ل ژ مەیدان بەلەك دا ڕێكێ و چووین زدانێ ئێڤارێ گەهشتن بۆ گوندێ چەمێ تویا و ل وێرێ هەر چەند پێشمەرگەیەك ل ناڤ مالان دابەشبین و ئەم ل وێرێ ماین. ل ڕۆژا دیتر بۆ گوندێ ڕوندكێ ل گەلیێ تیاریا چوون هەلبەت ب ڕیكێ ڤە ئەم گەلەك برسی بین ئەوبی جارەكادیتر ئەم ل ناڤ گوندی بەلاڤبوون، و ئەو مالا ئەم لێ بوین مێهڤان ناڤێ خودانێ مالێ عەمەر بی و پرسیار ژ مەكر و گوت: ئەڤە هوین دێ بۆ كیڤە چن؟ مە ژی گوتێ: ئەم پێشمەرگەینە دێ بۆ ڕۆژهەلاتێ كوردستانێ چین و چەكی بۆ شۆڕەشێ ئینن. ئەڤی زەلامی گوتە مە مامو: هوین گەنجن و هەتا تاقەتا شۆڕەشێ نینە، و ب زڤڕن و هوین دێ گەلەك ماندی بن, مەژی گوتێ: ئەم یێن هاتین دام اندی ببن و ئەم نازڤڕن. ئەوبی ئەم ژ ئەوی گوندی چوین و گەسەك وەك ڕێبەر دانە دگەل مە و ئەم بۆ گوندەكی دیتر چوین ل ئەوی گزندێ مالا شەهید ئەحمەد شانە لێ بی و ل ئەوێ شەڤێ ئەم ل ئەوی گوندێ ماین و پاشی مە دا ڕیكێ و ئەم بۆ سەرێ چیایێ بازێ چوین و هەتا گەهشتین بارەگایێ سلێمان بەندی ل ئەوێ شەڤێ ل باەگایێ ماین و ل ڕۆژا دیتر ئەم چووین هەتا ڕۆژا دی و ل دەمێ ڕۆژئاڤا ئەم گەهشتن بۆ بارەگایێ عریف یاسین ب رێكێ ڤە ئەم گەلەك پەریشان بین و هەندەك هەڤالێن مە ژ برسان د امانە ب ڕیكێ ڤە هەتا بۆ ئەوان هندەك خوارن برن و پاشی ئەوژی گەهاندنە مە. ل بارەگایێ عریف یاسین گەلەك قەدرێ مە گرتن و ل ئەوێ شەڤێ ئەم نڤستن و ل دەمێ سپێدێ ئەم ڕێ كەتین و بێ ڕاەوستان چووین هەتتا بۆ بارەگایێ لقی دوو گەهشتن و ل ئەوێ شەڤێ پەزەك بۆمە ڤەكوشتن و مە بێهنتا خۆە ڤەدا و ئەم جارەكادیتر كەتنە سەر ڕێكێ هەتا سێ گەشا سنوری ئەم بۆ ناف زومێن لولانیا چوین ول ئەوێ شەڤێ ل وێرێ ماین و ڕۆژا دیتر ئەم دەربازی ڕۆژهەلاتێ كوردستانێ بوین. ل سەر سنوری مە بەرێ خۆە دایێ هەژمارا دوازدە لەشكرێ توركیا بۆ لایێ مەڤە هاتن و بەلێ ل ڤێرێ دوو هەڤالێن مە بارزانی بین و دەرسوكێن سور ل سەرێ ئەوان بین و گازی مە دكرن و ب زمانێ توركی گوتن هوین كینە؟ مە گوتێ: ئەم پێشمەرگەینە. ئەوان گوت: بارزانە بارزانی. مە گوتێ: بەلێ بارزانی. ئەوان لەشكرا دەستێ خۆە دەینان سەر سەرێ خۆە و گوتن: هوین ب خێر بچن. ئەوبی ل سەر سنوری تەرەكتورەك بومە ئینان و ئەم لێ سیاربین و بۆ بارەگایێ پارتی ل زێوە هاتین. دەمێ ئەم بۆ بارەگایێ پارتی گەهشتین سەروك مەسعود بارزانی و كاك ئیدریس بارزانی پێشەوازی ل مەكرن و پەیڤەك پڕبها سەروكی مەسعود بارزانی بۆ مە خواند. دەمێ ئەم ژ بارەگایێ كوماتەیی هەتا ڕۆژهەلاتا كوردستانێ چوین بۆ ماوێ چواردە ڕژان ئەم ب ڕێكێ ڤە ماین ژبەركو ئەم چولبر و ل ناڤ گەلی و زناران دا چووین. ئەوبی ل ڕۆژا 1/7/1979ی ئەم بۆ بارەگایێ باژێرێ پیران شەهر چوین و مە دەست ب خولێ كر. جەنابێ سەروك مەسعود بارزانی و كاك ئیدریس بارزا نی و كاك ئەحمەد بدا خوانە و مەشقا چەكی بۆمە دگوتن. پشتی كونگرێ نەهێ یێ پارتی دیموكراتی كوردستان ل ڕۆژا 20/2/1980 ئەم دگەل فەرماندە حەمید خواستی بۆ بارەگایێ لقێ ئێك ل كوماتەیی هاتین و ڕێكخراوا شەهید حەمید حوفزوللا هات دروستكرن، و فەرماندە حەمید خواستی بی بەرپرسێ ئەڤێ ڕێكخراوێ و ئەز ژی وەك ئامر مەفرەزە دگەل ئەڤێ ڕێكخراوێ هاتم دانان. ل هەیڤا گولانا سالا 1981ئەم بۆ دەڤەرێ هاتین، ب تنێ مە كارێ ڕێكخستنێ ل ناڤ گوندا ئەنجامدان. ل هەیڤا یازدە ئەم بۆ بارەگایێ كوماتەیی زڤڕین و مە بێهنا خۆە ل ناڤ ئەوان گوندێن سەر سنوری ڤەدا. ئەو بوو ل سەرێ هەیڤا سێ سالا 1981ی جارەكادیتر ئەم بۆ دەڤەرێ هاتین و ئێكەم چالاكی وەك ڕیكخراوا شەهید حەمید حەفزوللا ل شەڤا 21*3/1981ی مە ل ڕەبیا گوندێ كەبەروكێ دا، و ئەم پاشدا زڤڕین و هەر د ئەوێ شەڤێ دا بۆ ماوێ نەهـ دەمژمێرا ئەم ب ڕیكێ چوین، هەتا ئەم بۆ گوزندێ بانیێ گەهشتسن و مە خۆە ل وێرێ هەشاردا، ل ڕۆژا دیتر لەشكرێ حكومەتا ئیراقێ هێرش بۆ سەر دەڤەرێ ئینان. ئەوبی بڕیار هات دان چەند چالاكیێن لەشكری د ئێك دەمدا بێن ئەنجامدان. رێكخراوا مە یا شەهید حەمید خەفزوللا بۆ ڕەبیا گوندێ مێركێ و ڕیكخراوا شەهید محەمەد سالح بوسەلی بۆ ڕەبیا گوندێ بێرسڤێ و شەهید شەعبان غەفار بۆ ڕەبیا گابنێركی و فەرماندە سادق گەلناسكی بۆ ڕەبیا ناحیا مانگێشكێ و هەر وەسان رێكخراوا شەهید مەحمود یوسف ب سەرپەرشتیا شەهید محو گەودا بۆ ڕەبیا ل هنداڤی گوندێ دولا دا بەلێ ب مخابنی ڤە پێشمەرگەیەك یێ ڕیكخراوا شەهید مەحمود یوسف ب ناڤێ حەجی هاشم مامیسی هات شەهیدكرن، ل شەڤا 1/7/1981ی مە ل ڕەبیا گوندێ مێرگێ دا بەلێ ئەڤ ڕەبیە نەهات ڕاكرن. هەر وەسا ل شەڤا 20/8/1980ی ڕەبیا ل هنداڤی گوندێ بەهینێ یا فلەها هات بەرچاڤكرن و ئەڤ ڕەبیە ب زەند و باسكێن پێشمەرگەیی هات ڕاكرن، و مە گەلەك چەك و تەقەمەنی وەك دەستكەفتی ژ ئەڤێ ڕەبیێ مە ڕاكرن. بەلێ ئەز ب سڤكی د ئەڤێ چالاكیێ دا برینداربیم.
