حوكمەتا هەرێمێ گرنگییێ ب خواندنا سریانی ددەت
دهۆك، لەزگین جۆقی:
رێڤەبەرێ خواندنا سریانی ل پارێزگەها دهۆكێ بۆ ئەڤرۆ دیار كر، 22 قوتابخانەیێن خواندنا سریانی ل دهۆكێ هەنە، ژ وان ژی: دو قوتابخانە ل زاخۆ نە و 20 قوتابخانە ل دهۆكێ نە، پتر ژ هەزار و 600 قوتابی ب زمانێ سریانی دخوینن و دبێژیت: حوكمەتا هەرێما كوردستانێ پشتەڤانیێ خواندنا سریانی دكەت و گرنگییێ پێ ددەت.
موئەیەد شلیمۆن ئوراها، رێڤەبەرێ خواندنا سریانی ل رێڤەبەریا گشتی یا پەروەردەیا پارێزگەها دهۆكێ گۆت: «رێڤەبەریا گشتی یا پەروەردەیا پارێزگەها دهۆكێ گەلەك یا هەڤكار وپشتەڤانە بۆ خواندنا سریانی، نوكە 90% قوتابخانەیێن مە ئێك دەوامی نە، چو جوداهی د ناڤبەرا خواندنا سریانی و كوردی دا ل دهۆكێ نینە، هەر بڕیارەكا وەزارت بدەت، ژ مە ژی دگریت، ل دهۆكێ پشتەڤانیا خواندنا سریانی دهێتە كرن و ئەڤە بوویە ئەگەر قوتابیێن مە ژی پتر ب سریانی بخوینن».
