حوکمەتا عیراقێ: هەتا پەسەندکرنا بودجێ 2021 دێ مووچێ هەرێما کوردستانێ هنێرین
ئەڤرۆ نیوز:
حوکمەتا عیراقێ جەخت ل پابەندبوونا بەغدا و هەولێرێ دکەت ب رێککەفتنا دناڤبەرا وان دا، پەیڤدارێ کازمی دبێژیت، چ نەهاتیە گوهۆرین و دێ مووچێ فەرمانبەرێن هەرێما کوردستانێ هەتا پەسەندکرنا بودجێ 2021 هنێرین.
ئەحمەد مەلا تەلال، پەیڤدارێ سەرۆکوەزیرێن عیراقێ، د کۆنفرانسەکێ رۆژنامەڤانی دا راگەهاند، هەتا نوکە حوکمەتا عیراقێ و هەرێما کوردستانێ پابەندی ب وێ ئ رێککەفتنێ یابۆ قۆناغەکێ دناڤبەرا وان دا هاتیە کرن، دەمێ وێ ژی سێ هەیڤن، سەبارەت ب دابینکرنا پشکەک ژ مووچێ فەرمانبەرێن هەرێما کوردستانێ د بەرامبەر پابەندبوونا حوکمەتا هەرێما کوردستانێ ب بەشە نەفتێ و رادەستکرنا 50٪ یا داهاتێ گومرکان.
هەروەسا گۆتیە، ئەو رێککەفتنە یا بەردەوامە و کار پێ دهێته کرن هەتا پرۆژە قانوونا بودجێ 2021 دهێتە پەسەند کرن، دێ هەیڤانە 320 ملیار دیناران بۆ هەرێمێ رەوانە کەین.
