حەسەن رووحانی: مە نەڤێت هیچ فشارەک ل سەر کوردان بهێتە دروستکرن
ئەڤرۆ نیۆز،زنار تۆڤی:
سەرۆک کۆمارێ ئێرانێ دبێژیت: مە خۆشەویستی هەیە بۆ کوردان ل ئێران و عێراق و تورکیا و سووریا و مە نەڤێت هیچ فشارەک ل سەر وان بهێتە دروستکرن و گوت ژی:خەلەتیێن بەرپرسێن وان نائێخینە سەر ملێن وان.
حەسەن رووحانی ، سەرۆک کۆماری ئێرانێ د کۆمبوونا جڤاتا وەزیرێن وەلاتێ خۆ دا بەحسێ گشتپرسیا کوردستانێ کریە و گوت:هەکە بەرپرسێن ئەوان(هەرێما کوردستانێ) خەلەتیەک کریە،دڤێت ئەو بخۆ تاوانا خۆ بدەن ، بەلێ گەلێ کورد وەک گەلەکێ ئاشتیخواز ل ڤێ دەڤەرێ بەرەف پێشڤە دچن و شایستەی رێزێ نە.
سەرۆک کۆمارێ ئێرانێ دەربارەی وەلاتیێن کورد ل رۆژهەلاتا کوردستانێ گوتیە:مە 100% متمانە ب هەوە هەیە، ب هیچ شێوەیەکێ خەلەتیێن سیاسی یێن هندەک کەسان ل هەرێما کوردستانێ نائێخینە سەر ملێن هەوە، چونکی هوون بەشەکن ژ گەلێ مەزنێ ئیرانێ و نەتەوەکا وەفادارن ،هوون ژ کەڤنترین نەتەوێن ئیرانێ نە و ل ڤێ دەڤەرێ و هەموو گاڤا ل پشت شۆرەشا ئیسلامی راوەستیاینە.
