حەسەن شەریف و نازدار جزیری پشكداری د فێستیڤالا بەرواریان دا كرن
سندس سالح سلێڤانەیی
هونەرمەندێ پێشمەرگە(حەسەن شەریف و خانما سترانبێژ نازدار جزیری) پشكداری د ڤێستیڤالا چارێ یا بەرهەمێن خۆمالی دا ل دە ڤەرا بەرواری بالا كرن و هژمارەكا سترنان ژلایێ وانڤە هاتنە گۆتن، ژوانا هونەرمەند حەسەن شەریف سترانەك ل دۆر وەلاتی و پێشمەرگەی گۆت و سترانبێژ نازدار جزیری ژی سترانەكا نوو ل دۆر سێڤێن سور یین بەرواریان گۆت.
هونەرمەند حەسەن شەریف گۆت: من پشكداری دگەلەك ئاهەنگ و فێستیڤالان دا كریە، لێ ئەڤ ڤێستیڤالە بۆ من گەلەكا تایبەتە، چنكو دەڤەرا منە و هێلینا شۆڕەشێ و پێشمەرگایەتیێ بوویە، لەورا ئەز هەردەم شانازیێ پێ دبەم.
نازدارا جزیری ژی گۆت: من ب جلكێن كوردی یێن باكورێ كوردستانێ پشكداری د ڤێستیڤالێ دا كر، لێ سترانەك ب ناڤێ (سێڤێن سور یێن بەرواریان) گۆت كو تایبەت بۆ ڤێ ڤێستیڤالێ هاتبوو چێكرن.
ڤێستیڤالا چارێ یا بەرهەمێن خۆمالێ ل دەڤەرا بەرواریان ل ڕۆژا هەشتی ڤێ هەیڤێ دەستپێكر بوو و هەتا دوهی ئێڤاری یا بە ردە وام بوو، بەرنامەیەكێ باش بۆ هەرسێ ڕۆژان هاتبوو دانان و بەرهەمەكێ زۆر یێ خۆمالی كو ژ كەدا دەستێن جۆتیارێن دەڤەرێ بوون هاتبوونە نیشادان، هەروەسا ب دەهان سترانبێژ و گرۆپێن هونەری و فولكلۆری و شاهی و دیلانان د پشكدار بوون و هژمارەكا زۆرا خەلكی ژ دەڤەرێن جودا و دەرڤەی وەلاتی سەرەدانا فێستیڤالێ كربوون و دوهی ئێڤاری ب سەركەفتیانە دووماهی هات.