حەفت جھێن مەساجێ ل دھۆک دھێنە داخستن
ئه‌ڤرۆ:
رێڤەبەرێ گشتیێ گەشتوگوزارێ ل پارێزگەھا دھۆکێ دیار کر کو ل دووڤ بڕیارا ئاسایشا دھۆکێ وان حەفت جھێن مەساجێ ل پارێزگەھێ داخستن.
عوبەیدوللا داوود، رێڤەبەرێ گشتیێ گەشتوگوزارێ بۆ رۆژناما ئەڤرۆ خویا کر، وان ھەر حەفت جھان ل دووڤ رێنمایان کار نەدکر و سەرپێچی دکرن، لەو دوھی ١٠-٢-٢٠١٥ ب فەرمانا ئاشسایشا دھۆکێ ئەو حەفت جھە ھاتنە داخستن و گۆت: “خودانێن وان جھان ژی دانپێدان ب سەرپێچیێن خوە کرینە”.
ئاشکرا ژی کر، جھێن ھاتینە داخستن سەنتەرێن مەساجێ بووینە ل ئوتێل و موتێلان و گۆت: “لژنێن مە یێن ھەڤپشک بەردەوام دووڤچوونا سەنتەرێن مەساجێ و جھێن گەشتوگوزاری دکەن، کانێ چەند پێگیریێ ب رێنمایێن گشتی دکەن، ئەگەر جھەک پێگیریێ پێ نەکەت، پێرابوونێن قانوونی بەرامبەر دێ دھێنە وەرگرتن”.
رێڤەبەرێ گشتیێ گەشتوگوزارێ ل پارێزگەھا دھۆکێ ئاماژە ب وێ چەندێ ژی کر، بەری نوکە سۆزنامە ژێ ھاتبوونە وەرگرتن و ئیمزا کربوون.
