حەفت یانێن ئورۆپی ئەڤ شەڤە چاڤ ل پلێتا دەربازبوونێ یە
ئەڤرۆ،ھەژار:
چاڤەرێ دھێتەکرن ئەڤ شەڤە و شەڤەکا دی یاریێن گەرا پێنجێ و بەری دووماھیێ ژ قوناغا کومان ژ قارەمانیا چامپیونیز لیگا ئورۆپا بھێنەکرن و د گرنگترین یاریێن ئەڤ شەڤە دا ریال مەدرید دێ بیتە مێڤانا سپورتینگ لەشبونا و ئەشبیلیا ل گەل یوڤانتوس و توتنھام ل گەل موناکو کو ھەمی یاری دێ ل دەمژمێر ١٠:٤٥ ھێنەکرن بتنێ یاریا سیسکا موسکو ل گەل بایرن لیڤەرکوزن نەبیت ئەو دێ ل دەمژمێر ھەشت ھێتەکرن.
کوما پێنجێ ھەڤرکی بەردەوامە دناڤبەرا چار یانا
د یاریێن کوما پێنجێ دا کو ھەتانوکە ھەڤرکی دناڤبەرا ھەر چار یانا مایە د یاریا ئێکێ دا یانا سیسکا موسکو یا روسی خودانا دو خالان بتنێ دێ ل گەل یانا بایرین لیڤەرکوزن یا ئەلمانی کەت خودانا شەش خالان کو دڤێ یاریێ دا یانا روسی ھەکە ب خوازیت ب ڤەگەریتە دناڤ ھەڤرکیێن دەربازبوونێ دا پێدڤی ب سەرکەفتنێ یە و ب سەرکەفتنا سیسکا دێ ھیڤێن وی گەش بن بۆ دەربازبوونێ ژبەرکو یاریا دووماھیێ دێ ل گەل یانا توتنھام یا ئینگلیزی کەت و دێ ئەو یاری بیتە یاریا چارەنڤێسی بەرامبەر یانا ئەلمانی لیڤەرکوزن ژێ ھزرا وێ چو ژ یا یانا روسی کێمتر نابیت ئەنجامەکێ باش کەت و یانا لیڤەرکوزن ب وەکھەڤیێ ژێ ھیڤێن وێ گەش بن و دێ خالێن وێ گەھنە حەفت خالان و ھەر ئەنجامەکێ نە چاڤەرێکری توتنھام توماربکەت دێ بەرژوەندیا وێ دا بیت و د یاریەکا دی ژ ھەمان کو یانا موناکو یا فەرەنسی سەرکێشا ڤێ کومێ ب ھەشت خالان دێ ل یاریگەھا خوە مێڤانداریا توتنھام کەت د یاریەکا ب ھێز کو خودانا ئەرد و یاریگەھێ یانا موناکو پێدڤی ب دو ئەنجامان دێ دەربازبوونا خوە مسوگەر کەت ئەوژی وەکھەڤی یان سەرکەفتن بەرامبەر یانا توتنھام ژبلی سەرکەفتنێ چو ئەنجامێن دی د بەرژوەندیا وێ دا نین تایبەت ھەکە دەنگوباسی سەرکەفتنا ئێک ژ یانێن سیکا یان لیڤەرکوزن گەھشتی ژبەرکو دێ مەترسی کەڤتە سەر دەربازبوونا وێ .
کوما شەشێ ریال ب سەرکێشیا رونالدو گارس دخوازیت دەربازبوونا خوە مسوگەر بکەت ب رێیا لەشبونا
یانا ریال مەدرید ئەوا ھەتا نوکە دەربازبوونا خوە مسوگەر نەکری دێ ل یاریگەھا لەشبونا ل گەل سپورتینگ لەشبونا کەت یانا پرتوگالی سێ خال ھەنە یانا مەلەکی ھەشت خال ھەنە ل رێزا دوێ دھێت پێدڤی ب خالەکێ یە دڤێ یاریێ دا ھەتا دەربازبوونا خوە بۆ قوناغا بھێت مسوگەر بکەت و یانا ریال مەدرید نوکە د رەوشەکا دەرونی یا باش دا دەربازکەن کو سەرکێشیا خولا لالیگا نە ب جوداھیا چار خالان ژ نێزیکترین ھەڤرکا خوە و د یاریا دێربیا مەدرید دا ب سەرکەفت ل سەر ھەڤرکا خوە یانا ئەتلەتیکو ب سێ گولان دێ ب ئارامی ڤێ یاریێ کەت ب سەرکێشیا ستێرا خوە رونالدو ئەوێ دێ جارەکا دی ڤەگەریتە یاریگەھا لەشبونا کو دڤێ یاریگەھێ دا بەرنیاسبوونا وی دەستپێکریە کو دەستپێکا وی ل گەل ڤێ یانێ بوو رونالدو بیرھاتنێن خوش ل گەل ڤێ یانێ ھەنە، د یاریەکا دی دا یانا بروسیا دورتموند ئەوا دەربازبوونا خوە مسوگەر کری دێ ل گەل یانا لیگیا وارسو یا پولەندی کەت کو یانا پولەندی ھیڤێن خوە ژ دەستدانە بو دەربازبوونێ .
کوما حەفتی لیستەر و پورتو نێزیکی دەربازبوونێ بووینە
ھەڤرکی د کوما حەفتێ دا ھەتا نوکە دناڤبەرا سێ یانا دا یا گەرمە ئەوژی لیستەرستی خودانا دەە خالان و پورتو پرتوگالی حەفت خال و کوبنھاگن یا دانیمارکی ب پێنج خالان، یانا لیستەر سیتی سەرکێشا کومێ دێ ل یاریگەھا خوە یاریێ بەرامبەر یانا کلوب بروج یا بەلجیکی کەت ئەوا ھیڤێن دەربازبوونێ ژ دەستداین دڤێ یاریێ دا وەکھەڤی دێ تێرا وێ چەندێ کەت کو یانا لیستەرسیتی دەربازبیتە قوناغا ١٦ ژ قارەمانیێ ھەر چەندە یانا لیستەر سیتی د رەوشەکا لاواز دا بوریت د خولا ئینگلتەرا کو پشتی بورینا ١٢ حەفتیان ١٢ خال کومکرینە ل رێزا چاردێ دھێت د لیستەیا خولێ دا، ژلایەکێ دیڤە د ھەمان کوم دا پورتو یا پرتوگالی دێ ل یاریگەھا خوە مێڤانداریا یانا کوبنھاگن یا دانیمارکی کەت کو دڤێ یاریێ دا سەرکەفتن دێ دەربازبوونا نوونەرا پرتوگال مسوگەر کەت دڤێ کومێ دا بۆ قوناغا دوێ کو ھەردو یانا بتنێ سەرکەفتن ل سەر یانا کلوب بروج تومارکریە دڤێ کومێ دا یانا پورتو دو جاران ل ھەردو یاریێن دووماھیێ .
کوما ھەشتێ ئەشیبلیا و یوڤانتوس ب وەکھەڤیا لیون دێ دەربازبوونا ئەوان مسوگەر بیت
د یاریێن کوما ھەشتێ دا کو دڤێ کومێ دا ھەتا رادەکی ھەردو یانێن ئەشیبلیا ئیسپانی و پوڤانتوس ھیڤێن دەربازبوونێ گەشکرینە کو تیما ئێکێ دەە خال ھەنە و یوڤی ھەشت خال ھەنە ھەڤرکیێن وان ژێ ئێکێ سێ خال ھەنە یا دوێ ژێ چو خال نین کو د یاریا ئێکێ ژ ڤێ کومێ بریارە دناڤبەرا ئەشیبلیا و یوڤانتوس بھێتەکرن کو دڤێ یاریێ دا یێ سەرکەفتنێ توماربکەت دێ پلێتا دەربازبوونێ بەری یاریا دووماھیێ مسوگەر کەت و ئەشیبلیا ب وەکھەڤیێ ژێ دەربازبوونا وێ مسوگەر بیت ھەردیسان ھەردو یانە دەربازبوونا ئەوان مسوگەر بیت ب ھەر ئەنجامەکێ نە چاڤەرێکری چو تیم توماربکەت لێ ب مەرجەکی یانا لیون بتنێ سەرکەفتنێ تومارنەکەت کو بریارە ئەڤ شەڤە ئەوژێ ل گەل یانا دینامو زگرب یا کرواتی بکەت ل یاریگەھا دینامو.