خامەنایی پشته‌ڤانیا عه‌بادی دکەت بۆ هێرشا سه‌ر كوردستانێ
ئەڤرۆ نیۆز،زنار تۆڤی:
فه‌رماندارێ گشتی یێ فه‌یله‌قا قودس یا سوپایێ پاسدارێن ئیرانێ، نامهكا نهێنی یا خامەنایی بۆ سه‌رۆك وه‌زیرێن عێراقێ ئینایە و تێدا ئاماژه ب پشته‌ڤانیا هه‌ر روو ب رووبوونه‌كێ ل گه‌ل کوردستانێ كریه.
رۆژنا‌ما ئه‌خبار یا لوبنانی د هژمارا خوه یا ئه‌ڤرۆ دا به‌لاڤكریه،کو قاسم سوله‌یمانی فه‌رماندارێ گشتی یێ فه‌یله‌قا قودسا ئیرانێ، نامهكا رابه‌رێ شۆرەشا ئیسلامی یا ئیرانێ ئایه‌توللا عه‌لی خامەنایی، بۆ حه‌یده‌ر عه‌بادی ئینایه و تێدا ئاماژه هاتیه كرن كو خامەنایی پشته‌ڤانیێ ل هه‌ر روو ب رووبوونه‌كێ ل گه‌ل هه‌رێما كوردستانێ دا دكه‌ت.
هەروەسا دیاركریه،کو ته‌هران یا به‌رهه‌ڤه هه‌موو جۆره هاریكاری و پشته‌ڤانیه‌كێ پێشكێشی به‌غدا ل دژی هه‌رێما كوردستانێ بكه‌ت و ئه‌و پشته‌ڤانی ژی ب ڤه‌كری ب ناڤ كریه.
دیسا د ناڤه‌رۆكا نامه‌یا خامەنایی دا به‌حسێ پاشه‌رۆژا سیاسی یا حه‌یده‌ر عه‌بادی ژی هاتیه كرن و تێدا هاتیه:کو ته‌هران و خامەنایی دێ پشته‌ڤانیێ ل مانا عه‌بادی بۆ ویلایه‌ته‌كا دی كه‌ن، وه‌كو ئاماژه بۆ قه‌بوولكرنا پشته‌ڤانیا ته‌هرانێ د روو ب رووبوونا ل گه‌ل هه‌رێما كورستانێ دا.
