خانيه‌ك سوت
ئه‌ڤرۆ نیوز، نه‌وزاد هلۆرى:
ئێڤاره دره‌نگى یا ئه‌ڤرۆ ئاگر به‌ربوویه خانيه‌ك ل دێره‌لوكێ سوت و زیانێن زور یێن مادى ل پشت خوه هێلان، به‌ره‌ڤانیا باژێرى ژى دیاركر كو ئه‌وان ئاگر ب زووترین ده‌م كونترولكر.
ئێحسان سه‌نعان، به‌رپرسێ به‌ره‌ڤانیا باژێرى ل دێره‌لوكێ بۆ ئه‌ڤرۆ نیوز گۆت: (ئێڤاره دره‌نگى یا ئه‌ڤرۆ ئاگر به‌ربوویه ماله‌كێ ل سه‌نته‌رێ ناحیا دێره‌لوك، هه‌رچه‌نده تیمێن به‌ره‌ڤانیا باژێرى ب زووترین ده‌م گه‌هشتنه جهێ روودانێ و ئاگر كونترولكر به‌رى كو گه‌له‌ك زیان دروست بن، به‌لێ ل گه‌ل هندێ ژى زیانێن مادى به‌ر وێ مالێ كه‌فتن).
زێده‌تر گۆت: (پتریا زیانێن وێ مالێ ل لێنانگه‌هێ دروست بووینه كو ئه‌و ژى سوتنا ئامیرێن كاره‌بايى بوو وه‌كو سه‌لاجه و ته‌باخ و هنده‌ك كه‌لوپه‌لێن دى، ل گه‌ل سوتنا پشكه‌كا ژوره‌كا دى،به‌لێ چو زیانێن گیانى نه‌بوون).
ناڤبرى دیاركر ژى كو ئه‌و مالا ئاگر به‌ربووێ ئا په‌نابه‌ره‌كێ رۆژئاڤایێ كوردستانێ یه و چه‌ند ساله‌كه ل دێره‌لوكێ دژیت.
