خراب ب کارئینانا تۆرێن جڤاکی رێژا ئاریشان ل ئاکرێ زێدەکریە
ئەڤرۆ نیوز، رەمەزان ھەرنی:
د گەل باشبوونا رەوشا ئابووری ل ھەرێما کوردستانێ مەزنترین مەترسی ل سەر رەوشا جڤاکی دروستبوویە ژ بەر خراب ب کارئینانا ئامێرێن گەھاندنێ و سوشیال میدیایێ ب تایبەت ژ لایێ تەخا گەنجان ڤە.
موقەدەم محەمەد ئەمین عەلی، بەرپرسێ نڤیسینگەھا بەرھەنگاریا توندوتیژی دژی ئافرەتان ل ئاکرێ بۆ ئەڤرۆ نیوز ئاشکرا کر کو بەھرا پتریا ئاریشێن خەلکی یێن کو ئەو پێ رادبین چارەسەر دکەن و گۆت: “ھندەک خەلک یێ ھەی شەرم دکەن بھێنە نڤیسینگەھێ و ب رێ یێن عەشائیری ئاریشێن خوە چارە دکەن، لێ گەلەک ڤەدکێشیت”.
ناڤھاتی ئاماژە دا وێ چەندێ کو ل ڤان سالێن دووماھیێ مەزنترین ئاریشێن ھاتینە تومارکرن خراب بکارئینانا تورێن جڤاکیە و گۆت: “ئەو ئاریشێن مەزنێن بوو مە دھێن ژیێ وان د ناڤبەرا ١٤ ھەتا ١٨ سالیێ دایە و ئەوێن ژیێ وان ژ ١٨ سالیێ زێدەتر ئاریشە کێمترن”.
