خه‌زعه‌لی هێرشان ل ئه‌مریكا دکەت
ئەڤرۆ نیوز:
قەیس خەزعەلی رێبه‌رێ میلیشیاتێن عه‌سائیب ئه‌هل حه‌ق یێ سه‌ر ب حه‌شدا شه‌عبی، ڤە راگه‌هاند، ئەینیا بهێت دێ كه‌ینه رۆژا به‌رگریێ ژ سه‌روه‌ریا عیراقێ، هەروەسا وی داخواز کر، کو لایه‌نگرێن سه‌روه‌ریا عێراقێ، ل رۆژا ئه‌ینی بهێنه سه‌ر جادان و خوەپیشاندانان بكه‌ن.
هەروەسا گوتیە: دێ ئه‌مریكا نەچار كه‌ین پاشه‌كشێ بكەت و دێ وەلاتێ خوە ژ وان پاقژ کەین.
خه‌زعه‌لی په‌یامەک ئاراسته‌ی ئه‌مریكا كریە و گوتیە: عیراق و گه‌لێ وێ گەلەک ژ هندێ مەزنترن کو داگیركاریێ قەبوول بكه‌ن.
هۆشداری ژی دایە، هەکە ئه‌مریكا گوهێ خوە نەدەتە داخوازیێن گه‌لێ عیراقێ، مە ئاماده‌یا ته‌مام هه‌یه و شیانێن هندێ هەنە، ئه‌مریكا نەچار بکەین خوە ڤەکێشیت.
ئەو ژی ئاشکرا کریە، ب ره‌تكرنا بڕیارا پەرلەمانێ عیراقێ، ئه‌مریكا روویێ راسته‌قینه یێ پرۆژێ خوە ده‌رخستیه و ئه‌و نه‌هاتیه بۆ هاریكاریكرنا عیراقێ.
