خه‌لكێ به‌سرا دخوه‌نيشادانه‌كێ دا داخوازا هه‌رێمبوونێ دكه‌ن
ئه‌ڤرۆنيوز:
ب ده‌هان وه‌لاتيێن به‌سرا ئه‌ڤرۆ ئه‌ينيێ 9/11/2018 خوه‌نيشادانه‌ك كر وتێدا داخوازا هه‌رێمبوونا پارێزگه‌ها به‌سرا كر.
عه‌لى سارى، رۆژنامه‌ڤان ژ باژێرێ به‌سرا بۆ ئه‌ڤرۆنيوز گۆت” ئه‌ڤرۆ ب ده‌هان وه‌لاتيێن به‌سرا ل نێزيك (پرا دادگه‌هان) ل ناڤه‌راستا باژێرى خوه‌نيشادانه‌كا ئه‌نجامدا وتێدا داخوازا هه‌رێمبوونا پارێزگه‌ها به‌سرا كر”.
گۆت ژى” ب ديتنا وان خوه‌نيشانده‌ران، هه‌تا نوكه حوكمه‌تا عيراقێ وجڤاتا پارێزگه‌ها به‌سرا درژد نينن بۆ چاره‌كرنا ئاريشێن پارێزگه‌ها به‌سرا وبجهئينانا سۆزێن هاتينه دان پشتى خوه‌نيشادانێن به‌رفرهه يێن بۆرى”.
دياركر” له‌وما وان خوه‌نيشانده‌ران دياركريه كو تنێ هه‌رێمبوونا پاريزگه‌ها به‌سرا دێ مافێن خه‌لكێ وێ پارێزگه‌هێ بده‌ستڤه‌ئينيت”.
