خودانا مه‌زنترين دو ده‌ستان دجيهانێ دا ببينه
ئه‌ڤرۆنيۆز:
ژنه‌كا تايلاندى ب ناڤێ (داينجيا سماكسمام) ل هه‌ريما سورين ل تايلاندا دژيت، ژبه‌ر تووشبوونا وێ ب نه‌خوه‌شيه‌كێ كو ده‌ستين وێ ب شێوه‌كێ نه‌ئاسيى مه‌زن دبن، ناسناڤێ خودانا مه‌زنترين دو ده‌ستان ل جيهانێ وه‌رگرتيه.
رۆژناما (ديلى ميلى) يا بريتانى به‌لاڤكريه كو داينيجيا كو ژيێ وێ 59 سالن هه‌ر ژبچووكاتيا خوه تووشى نه‌خوه‌شيه‌كا ده‌گمه‌ن ب ناڤێ “lipomastosa” بوويه وژئه‌گه‌رێ وێ نه‌خوه‌شيێ هه‌ردو ده‌ستێن وێ ب شيوه‌كێ نه‌ئاسايى مه‌زن بووينه.
رۆژنامه دبێژيت، وێ ژنا تايلاندى 20 سالێن ده‌ستپێكا ژيێ خوه دوورى خه‌لكى بوراندينه، به‌لێ ژبه‌ر حه‌زا وێ كو كاربكه‌ت، ئه‌و نه‌چاركر بهێته دناڤ خه‌لكى دا وجهه‌كێ فرۆتنا كه‌ره‌ستێن خوارنێ بۆ خوه ڤه‌كريه ، به‌لێ ئه‌ڤ كاره گه‌له‌ك ئێشانێ بۆ ده‌ستێن وێ يێن مه‌زن په‌يدا دكه‌ت.
