خولا ئنگلته‌را راوه‌ستاندنا ب نه‌چاری و پاشخستنا ب مه‌رج
ئه‌ڤرۆ،
پشتی ل شه‌مبیا بۆری وه‌رزێ نوو یێ خولا ئنگلته‌رایێ یا ته‌پا پێی 2022-2023 پرێمه‌رلیگ هاتیه كرن و هه‌ر تیمه‌ك ل دووڤ شیانێن خوه به‌رهه‌ڤی بوو كرین پێخه‌مه‌ت ده‌ستڤه‌ئینانا ناسناڤی و رێزێن پێشیێ یان ژی مانا خوه د خولێ دا، ژلایێ خوه‌ڤه به‌رپرسێن وه‌رزشی كار بۆ گوهۆڕینا چه‌ند بڕیار و راسپاردان ژبۆ ب هێزكرنا ئاستێ خولێ و هه‌ڤڕكیه‌كا بهێز دكرن لێ چه‌ند گوهۆڕین نه‌چاری و ب مه‌رج هاتینه گه‌نگه‌شه‌كرن ژوان پێنگاڤێن دێ هێنه هاڤێتن و هنده‌ك كه‌ڤتینه د بوارێ بجه ئینانێ دا ئه‌وژی.
راوه‌ستیانا ل سه‌ر چۆكی
راوه‌ستیانا ل سه‌ر چۆكی یا یاریزانێن هه‌ردو یانێن به‌ری ئه‌نجامدانا یاریێ وه‌كو كاره‌ك و ده‌ربڕین دژی ره‌كه‌ز په‌رستیێ ئه‌وا ل سالا 2020 هاتیه په‌سه‌ندكرن د ناڤ یاریگه‌هان دا، ده‌سته‌كا خولا ئنگلێزی یا ئێكه‌تیا ته‌پا پێی بڕیاردا ئه‌ڤ لڤینه بهێته راوه‌ستاندن و هه‌لوه‌شاندن بۆ یاریێن بهێت دووباره نه‌بنه‌ڤه.
گوهۆڕینا پێنچ یاریزانا
پشتی وه‌رزێ 2019- 2020 كه‌فتیه لبن پێله‌كا دژوار یا ڤایرۆسێ كۆرۆنایێ ئێكه‌تیا ته‌پا پێی یا ئنگلته‌رایێ بڕیار دابوو د هه‌ر یاریه‌كێ دا تیما پشكدار مافێ هه‌یی پێنچ یاریزانان ب گوهۆڕیت بشێوێ سێ ده‌م دا، ل وه‌رزێ دووڤدا هاته راوه‌ستاندن لێ بۆ وه‌رزێ نوو دووباره ئه‌ڤ شێوازه هاته نووكرن و هه‌ر تیمه‌كێ مافێ هه‌یی نه‌ه یاریزان د لیستا پێكگهۆران بدانن.
10 ته‌په د ناڤ یاریگه‌ه‌هێ دا
ده‌سته‌كا خولا ئنگلته‌رایی بڕیاردایه بۆ هه‌ر لایه‌كێ یاریگه‌هێ 10 ته‌به بهێنه به‌رهه‌ڤكرن د ده‌مێ ئه‌نجامدانا یاریێن فه‌رمی دا ژبۆ بزاڤكرن هه‌ر ده‌مێ ته‌په چوو ژ ده‌رڤه‌یی یاریگه‌هێ یاری نه راوه‌ستیێت و هه‌رزوو به‌رده‌وامبیت و ده‌مێ یاریێ نه هێته كۆشتن.
راوه‌ستیانا ب نه‌چاری
ژبه‌ر ژڤانێ ده‌ستپێكرنا مۆندیالا جیهانی 2022 ئه‌وا دێ ل 21ێ چڕیا دویێ یا بهێت ل وه‌لاتێ قه‌ته‌ر هێته كرن، ئێكه‌تیا ته‌پا پێی یا ئنگلته‌رایێ نه‌چاره هه‌موو چالاكیێن خوه خول و قاره‌مانی د ماوێ ئه‌نجامدانا مۆندیالێ ب راوه‌ستینت ژبۆ ده‌لیڤه‌دان بۆ هه‌موو یاریزانێن هه‌لبژارتیێن وان د مۆندیالێ دا و بشێن باشتر شێوه خوه به‌رهه‌ڤ بكه‌ن.
پاشخستنا ب مه‌رج
ده‌سته‌كا گشتی یا خولا ئنگلێزی بڕیار دایه هه‌ر یانه‌كا پشكدار د خولێ دا ئه‌و ده‌مێ هژماره‌كا كێم یا یاریزانان به‌رده‌ست هه‌بن ژبه‌ر ئه‌گه‌رێن جودا دشێن یاریا وان بهێته پاشخستن لێ ب مه‌رجه‌كی پشتی لژنه‌كا تایبه‌تمه‌ند دووڤچوونا راستیا بابه‌تی بكه‌ت و دووڤدا دێ بڕیارا پاشخستن یا ئه‌نجامدانا یاریێ هێته كرن.
