خولا فوتسالا كچان بۆ ماوه‌كێ نه‌ديار هاتنه پاشخستن
ئه‌ڤرۆ نيوز:
ئێكه‌تيا ناڤه‌ندى يا ته‌پا پێ ل هه‌رێما كوردستانێ د كۆمبوونا خوه دا ل گه‌ل تيمێن پشكدار د د خولێ دا، خولا نايابا فوتسالا كوردستانێ بۆ ده‌مه‌كێ نه‌يێ ديار پاشخست.
ئه‌ڤرۆ ب ئاماده‌بوونا نوونه‌رێن هه‌موو تيمێن پشكدار د خولا نايابا كوردستانێ دا و ب ئاماده‌بوونا سه‌ركار عه‌لى خان جێگرێ سه‌رۆكێ ئێكه‌تيا ناڤه‌ندى يا ته‌پا پێ ل هه‌رێما كوردستانێ و سه‌لام حسێن سكرتێرێ ئێكه‌تيێ و عومه‌ر خه‌تاب سه‌رۆكێ لژنا فوتسالێ ل ئێكه‌تيێ كۆمبوونه‌ك هاته سازكرن و تێدا بڕيار ل سه‌ر پاشخستنا خولا نايابا كوردستانێ بۆ فوتسالێ هاته دان.
سه‌ركار حه‌مه خان جێگرێ سه‌رۆكێ ئێكه‌تيا ناڤه‌ندى يا ته‌پا پێ گۆت: “ئێكه‌تيا مه ب چاڤه‌كێ گه‌له‌ك مه‌زن ته‌ماشه‌ى خولا فوتسالا كچان دكه‌ت و دێ هه‌ر هێته ئه‌نجام دان و ئه‌و يانا نه‌شێت تيمه‌كێ برێڤه‌ببه‌ت، باشتره كار نه‌كه‌ن”.
زێده‌تر گۆت: “هه‌كه دشيانێن مه دا بيت دێ خولێ بۆ كچان ل ياريگه‌ها مه‌زن به‌رهه‌ڤ كه‌ين نه ب تنێ فوتسالێ، چونكو ئه‌و جهێ گرنگيدانا مه‌نه”.
ل دووماهيا روونشتنێ ژى نوونه‌رێن تيما گازندا كێشێن دارايى كر و ل پتريا ده‌نگان ل سه‌ر وێ چه‌ندێ رێكه‌فتن كو خولا فوتسالێ بۆ ده‌مه‌كێ نه‌يێ ديار ژ ئه‌گه‌رێن دارايى يێن يانا بهێته پاشخستن.
