خوله‌كا رۆژنامه‌ڤانيا موبايلێ ل دهوكێ ب دووماهى هات
ئه‌ڤرۆ نیوز:
بو ئێكه‌مین جار ل پارێزگه‌ها دهوكێ رێكخراوا (ODRN) ب هه‌ڤكاریا رێڤه‌به‌ریا سه‌نته‌رێن ره‌وشه‌نبیرى و تیپێن هونه‌رى یا حوكمه‌تا هه‌رێما كوردستانێ، خوله‌كا تایبه‌ت ب مونتاج و رۆژنامه‌ڤانیا موبایلێ ل باژێرێ دهوكێ بو هژماره‌كا رۆژنامه‌ڤانان هاته‌ڤه‌كرن.
ئه‌میر ئه‌تروشى، سه‌رۆكێ رێكخراوا ODRN بۆ ئه‌ڤرۆ نیوز گۆت: (ب مه‌ره‌ما پێگه‌هاندن و فێركرنا رۆژنامه‌ڤانان ل سه‌ر چه‌وانیا چێكرنا راپورت و كارێن رۆژنامه‌ڤانى، بو ئێكه‌مجار ل سنوورى پارێزگه‌ها دهۆك خوله‌كا تایبه‌ت ب مونتاج و رۆژنامه‌ڤانیا موبایلێ ل كوردستان و پارێزگه‌ها دهۆك ل پانوراما ئازادى بو رۆژنامه‌ڤان و راهێنه‌ر نه‌وزاد هلۆرى هاته ڤه‌كرن).
زێده‌تر گۆت: (خول ژلاێ رێكخراوا (ODRN) ب هه‌ڤكاریا رێڤه‌به‌ریا سه‌نته‌رێن ره‌وشه‌نبیرى و تیپێن هونه‌رى یا حوكمه‌تا هه‌رێما كوردستانێ هاتبویه ڤه‌كرن و سێ روژان یا به‌رده‌وام بوو و تێدا 15 رۆژنامه‌ڤان و كه‌س پشكدارببوون و ب تیورى و پراكتیكى ب رێڤه‌چوو ، و دوماهیێ ژى باوه‌رنامه لسه‌ر پشكداران هاتنه‌دان).
