خۆپیشاندانێن رۆژهەلاتا کوردستانێ سێ باژێرێن دێ ژی ڤەگرتن
ئەڤرۆ نیۆز،زنار تۆڤی:
هژمارەکا وەلاتیێن خۆپیشاندەرێن باژێرێ بانە ل رۆژهەلاتا کوردستانێ ب گولێن هێزێن ئەمنی یێن ئیرانێ بریندار بوون.
ل سپێدەهیا رۆژا سێشەمبی 5/9/2017 نێزیکی 15 هزار وەلاتیێن بانە دوکان و بازار داخستن و ل بەردەم پارکا فلستین ل جادەیا کەمەربەند خۆپیشاندانەک ل دژی کوشتنا دو کۆلبەرێن وی باژێری ب ناڤێن حەیدەر فەرەجی یێ 21 سال و قادر بەهرامی یێ 45 سالی ب گولەیێن سوپایێ ئیرانێ سازکر.
سوپایێ ئیرانێ بۆ ب دوماهی ئینانا خۆپیشاندانێ ل سەر جادەیان بەلاڤەبوون و هەتاکو نوکە ب گولێن هێزێن ئێرانی 9 وەلاتی بریندار بووینە و زێدەتری 10 کەسێن دی ژی هاتینە دەستگیرکرن.
د هەمان دەمدا، چالاکڤانێن باژێرێن پیرانشار، سەردەشت و مەریوان پشتگیریا خۆ بۆ وێ خۆپیشاندانێ دەربریە و راگەهاندیە،کو ئەڤرۆ چارشەمبێ 6.9.2017 ل وان باژێران دێ دەست ب خۆپیشاندانان کەن.
