خەو
مستەفا مەلا سەلیم ئاکرەیی
ل باژێرەکێ ھێژ خەو
ب چاڤان نەکەفتی
پەنجەرەیێن وان دکرن گری و
بالندەیێن شەڤێ
تێھنا خۆ پێ دشکاندن
فانوسەکا ھەل ژترسا دا
کزد بو و ھەناسا مرنێ ھەلدکێشا
مەچێترا نامەیێن نھینی
دبەرڕا دخواندن
ئەو کچکا د بەلەکۆنێ دا
ڤێ نیڤ شەڤی پرچا خۆ بادایی
دپەر پێلێن بای…
ستێنگێن لسەر جادەیان
فیلەر کرن
جادەیان ژی شوین پێیێن مرۆڤان
دھەژمارتن
ھزرێن من ژی لسەر
لێڤێن ڕویباران مەست کرن
من ھزردکر گەردوون ھەمی
یا گوھشی…
بەلگێن داران
لبەر ھێلینێن چویچەکان
یێن ھەڕشین
جیھان ھەمی یا دعشقەکا
فەنتازی دا
ستران و لاڤێژا دبێژن
لسەر کەلەکا عشقا من و
ھەستێن من
بەرا دھاڤێژن…
بەھانەیا عەوران باران بوو
ھەمی گوند کرنە سیک
پەیاسە کرنە خویک
دەھبە کرنە بویک
ئەو کچکا دبەلەکۆنێ دا ژ پیاڤە
نڤستی .. لبەر شەھا بارانێ
گیانێ وێ دبن جلکاڤە
کرە خۆدیک
کولی بەربوونە گیانێ وێ و
ڤەڕەڤین ھەمی بەربویک.
