داخوازا ڤەکرنا ھۆلەکێ بۆ خۆلێن چاندنێ ل دێرەلۆکێ دھێتەکرن
ئەڤرۆ نیوز، مەحمود نھێلی:
ژ بەر نەبوونا جھێن تایبەت و ھولێن داخستی، شیرەتکاریا چاندنا دێرەلۆکێ خولێن خوە د مالان دا ل سنوورێ گوندێن دەڤەرێ ب رێڤە دبەت.
ئەندازیار ستار خورشید، بەرپرسێ شیرەتکاریا چاندنێ ل دێرەلۆکێ ، ئەگەرێن ب رێڤەبرنا خولێن خوە د مالان دا ڤەگەڕاند بۆ نەبوونا ھول و جھێن تایبەت بکارێ وان ڤە و بۆ ئەڤرۆ نیوز دیار کر کو گەلەک جاران د وەرزێ زڤستانێ دا ئەوان خولێن خوە د مالان دا ب رێڤەبرینە و نوکە ھوبا وان چو ھۆلێن ل گوندێن سنوورێ ناحیا دێرەلوکێ نینن بۆ وێ چەندێ کارێن خوە د ناڤ دا ئەنجام بدەن و ژ بەر سەرمایێ و بارینا بارانێ ژی د ڤی وەرزی دا ئەو نەچارن ڤان خولێن خوە د مالا دا ب رێڤەبەن.
ناڤھاتی ئاماژە دا وێ چەندێ کو نوکە ئەوان خولەکا کەزاختنێ ل گوندێ پیروزانا ڤەکریە و ل بەرە چەند خولێن دی ژی یێن تایبەت ب چاندنێ ڤە بۆ پێشخستنا ڤی کەرتی ل دەڤەرێ د ڤان رۆژان دا ڤەکەن.
