داخوازیا حەفتیەکێ ژ بەرشەلۆنا کریە
ئەڤرۆ نیوز:
یانا بەرشەلۆنا پشتی دانوستاندن ل گەل یاریزانێ ئەیاکس و ھەلبژارتیێ ھولەندا دی لیگیت راوستاندین و ھزر ل ئینانا یاریزانەکێ دی کری ل جھێ وی ل دیڤ راپورتێن رۆژنامەڤانی یانا بەرشەلۆنا گەھشتی یە رێککەفتنێ ل گەل رێڤەبەرێ یاریزانێ فرەنسی و یانا تولوز جان کلیر تودیبو لێ مەرجەک دانایە بەر یانا بەرشەلۆنا.
رۆژناما موندو دیپورتڤو یا ئیسپانیا دیارکریە یانا بەرشەلۆنا ژبەر ھنگافتنا ھەردو یاریزانێن خوە یێن ھێلا بەرەڤانیێ ساموێل ئومتێتی و فيرمايلين داخوازیت ھەڤبەستێ ل گەل یاریزانەکێ دی ل ھێلا بەرەڤانیێ ئیمزا بکەت و ل دیڤ گوتنا وێ رۆژنامێ یانا بەرشەلۆنا گەھشتی یە رێککەفتنێ ل گەل بریکارێ یاریزانێ فرەنسی و یانا تولوز جان کلیر بۆ ڤەگوھاستنا ئەوی ل ماوێ ڤەگوھاستنێن بھێت لێ بریکارێ وی یاریزانی داخوازیەک ژ یانا بەرشەلۆنا کریە دەرفەتێ بدەنە ئەوان بوو ماوێ حەفتیەکێ ھەتا ١٠ رۆژان بوو وێ چەندێ باشتر ھزرا خوە بکەن.
ھەردیسان ئەوێ رۆژنامێ دیارکریە ژی بریکارێ وی یاریزانی دخوازیت باشتر ھزرا خوە ل ئەوان داخوازیێن گەھشتی نە بەر دەستێ ئەوی بۆ ڤەگوھاستنا ئەوی یاریزانی کو ھەر ئێک ژ یانێن بروسیا دورتموند و یوڤانتوس و ریال مەدرید ژی گرنگیەکا مەزن دایە شیانێن ئەوی یاریوانی و ل ماوێ حەفتیا بھێت دا دێ بریارا دووماھیێ ل سەر دەت بۆ پاشەرۆژا یاریزانی ل ماوێ بھێت.
