داخوازیا یانەکا مەزن ل ئنگلتەرا رەتکر

ئەڤرۆ نیوز:

راھێنەرێ بەری نوکە یێ یانا یوڤانتوس ماسیمیلیانو ئەلگیری ئەوێ ل دووماھیا وەرزێ ئەڤ سالە ھەڤبەستا ئەوی ل گەل یانا یوڤانتوس ب دووماھیی ھاتی بەری چەند رۆژا داخوازیا یانەکا مەزن ل ئنگلتەرا رەتکر پشتی وێ یانێ ھەڤبەستەک پێشکێشی ئەوی راھێنەرێ ئیتالی کری.
رۆژنامەیێن ئیتالی ئاشکراکرن پشتی ھەڤبەستا ئەلگیری ل گەل یوڤانتوس ب دووماھیی ھاتی و ھەڤبەستا ئەوی نە ھاتیە نووکرن، یانا چێلسی یا ئنگلیزی ب فەرمی ھەڤبەستەک پێشکێشی ئەوی راھێنەرێ ئیتالی کر لێ ناڤبری داخوازیا چێلسی رەتکر و دیارکر ئەو ناخوازیت نوکە پوستێ چ یانەیا وەربگریت .
ھەردیسان ئەوان رۆژناما دیارکریە ژی راھێنەرێ یانا یوڤانتوس ئەلگیری بەربژارێ سەرەکی بوو ل یانا چێلسی لێ پشتی وی راھێنەرێ ناڤبری داخوازیا وێ یانا لەندەنی رەتکری نوکە دو راھێنەرێن دی بەربژارن پوستێ راھێنەریا چێلسی ل وەرزێ بھێت وەربگرن ئەوژی رافائێل پێنیتیز و ستێرا بەری نوکە یا چێلسی فرانک لامبارد

کۆمێنتا تە