داخوازیا 4 یانان ره‌تكر
ئه‌ڤرۆ نیوز:
ستێرا ئیسپانى و یانا به‌رشه‌لۆنا یێ به‌رى نوكه ئێنسیتا داخوازیا چار یانان ل ماوێ بورى ره‌تكرن كو سێ ژ ئه‌وان ل خۆلا ئه‌مریكا بوون.
رۆژناما موندو دیپورتیڤو یا ئیسپانى ئاشكراكریه ئێنیستا یێ 35 سالى ئه‌وێ نوكه یاریێ ل یانا ڤیسیل كوپى یا ژاپونى دكه‌ت ل ماوێ بورى داخوازیا هه‌ر ئێك ژ یانێن لوس ئه‌نجلوس گالاكسى و مونتریال و ئه‌نتر میامى ره‌تكرن پشتى ئه‌وان هه‌ر سێ یانان ب فه‌رمى داخوازى پێشكێشى وى ستێرا به‌رشه‌لۆنا كرى .
زێده‌تر ئه‌وێ رۆژنامێ ئاشكراكریه یانا یانا لوس ئه‌نجلوس بزاڤێن مه‌زنكرن بوو رازیكرنا وى یاریزانێ ئیسپانى لێ وى یاریزانێ ره‌تكر و خواست بوو وه‌رزه‌كێ دى ژى ل گه‌ل وێ یانا ژاپونى یاریێ بكه‌ت.
هه‌ردیسان هاتیه دیاركرن ژى یانا ئه‌نتر میامى كو خودانێ وێ یانێ ستێرا به‌رێ یا هه‌لبژارتیێ ئنگلته‌را دیڤید بیكهام كو وه‌كو سه‌رۆكێ فه‌خرى یێ وێ یانێ یه ئه‌وان هزر ل وێ چه‌ندێ كریه هژماره‌كا ستێرێن به‌رنیاس ل وێ یانێ زێده بكه‌ن كو ئێك ژ ئه‌وان ئێنسیتا ئارمانجا ئه‌وان بوو لێ وى یاریزانى ب لێبورین ڤه داخوازا لێبورینێ ژ خواست.
ل دووماهیێ هاتیه دیاركرن ژى یانا ئاستودیانتس یا ئه‌رژه‌نتینى ژى ئێك ژ ئه‌وان یانان بوو كو گرنگى ب ڤه‌گوهاستنا وى یاریزانێ ئیسپانى كربوو .
