داخوازیەک پێشکێشی یانا بایرن میونیخ کر
ئەڤرۆ نیوز:
گولکەرێ یانا بایرن میونیخ و ھەلبژارتیێ پولەندا روبرت لیڤاندوڤسی داخوازی ژ بەرپرسێن یانا بایرن میونیخ کرن ل ماوێ بھێت ھەڤبەستێ ل گەل چەند یاریزانێن نوو ئیمزا بکەن بوو ب ھێز ئێخستنا پێکھاتیێ یانێ.
لیڤاندوڤسی د داخویانیەکێ دا بۆ رۆژناما سپورت بیلد یا ئەلمانی دیارکر یانا ئەوان پێدڤی چەند یاریزانێن خودان شیانە ل ڤەگوھاستنێن ھاڤینا بھێت و داخوازی ژ یانێ کر ھەڤبەستێ ل گەل پێنچ یاریزانێن خودان شیان ل دیڤ ناڤێ یانا باڤاری بیت ژبەرکو چاڤەرێ دھێتەکرن ل ھاڤینا بھێت چەند یاریزان پێکھاتیێ یانێ ب جە بھێلن لەورا ل سەر یانێ پێدڤی یە ھەڤبەستێ ل جھێ ئەوان ل گەل یاریزانێن بەرنیاس و خودان شیان ئیمزا بکەن تایبەت ل جھێ یاریزانێ ھولەندی روبن ھەڤبەستێ ل گەل یاریزانەکێ ستێر ئیمزا بکەن.
ھەردیسان ل ماوێ چەند رۆژێن بوری سەرۆکێ یانا بایرن میونیخ ئولی ھونیس دیارکر بوو ئەوان بۆ مێرکاتویا ھاڤینا بھێت پلانەکا باش دانا بوو دەستڤە ئینانا چەند ستێرێن بەرنیاس ل سەر ئاستێ ئورۆپا بوو ئیمزا کرنا چەند یاریزانانێن خودان شیان.
