داستانا عەشقێ
سالح حەكیم
ئەڤرۆ گۆڤەندا
زینێ یە..
خەمل و خێلیا وێ
ڤۆلکانا کەرب و کینێ یە
د سینگێ تەڤ بــەکـۆیان دا
خانێ لەپ زێرین..
خودانێ داستانا «دمدم» ی
شووری ژ کاڤلانکی ب دەرینە
مەمێ د زیندانێ دا
ژ خەوا خافلەتێ بهەلینە..
سەرچەمکێ گۆڤەندێ
کۆرۆیی ب خیانەتێ یا هەژاندی
هێلینا هیڤیا
ل دلدارا نەبوونە بهار..
پاییزێ ب چەقێن
شکەستی دایە بایی
ئەڤینا وان بوویە کۆترکا ئاشتیێ
فڕی بەرەف بلنداهییا
ئەسمانی
چوونە سەر وەغەرێ..