داعشێ مزگه‌فته‌ك ل كوێتێ په‌قاند
ئه‌ڤرۆنیۆز، ئه‌یاد به‌روارى :
ژێده‌ره‌كێ كوێتی بۆ ئه‌ڤرۆنیۆز دیاركر كو په‌قینه‌ك دناڤ مزگه‌فته‌كێ دا روودا و دئه‌نجامدا چه‌ندین وه‌لاتی هاتنه كوشتن و برینداركرن. مسته‌فا مه‌حمود ژ رۆژناما ( الكویتیه) یا كوێتی بۆ ئه‌ڤرۆنیۆز گوت” په‌قین ل مزگه‌فتا (ئیمام سادق) كو مزگه‌فته‌كا شیعانه ل ده‌ڤه‌را (سه‌وابر) ل نیڤا پایته‌ختێ كوێتێ روودا”. زێده‌تر گوت” ئه‌نجامێن ده‌ستپێكی یێن وێ په‌قینی هه‌شت كوشتی و ب ده‌هان بریندارن”. گوت ژى” رێكخستیا داعشێ به‌رپرسیاره‌تیا خوه ژ وێ په‌قینێ دیاركریه و هه‌ر پشتى په‌قینێ میرێ كوێتێ ( سه‌باح ئه‌لئه‌حمه‌د ئه‌لجابر ئه‌لسه‌باح) سه‌ره‌دانا جهێ په‌قینێ كر و جڤاتا وه‌زیرێن كوێتی كۆمبوونه‌كا نه‌ئاسایی گرێدا و سه‌رۆكێ په‌رله‌مانێ كوێتی (مه‌رزوق عه‌لی ئه‌لغانم) داخوازا كۆمبوونه‌كا ب له‌ز یا په‌رله‌مانی كر”.