داعش خوینا شەعبانی حەلال کر
ھندەک مالپەر و سایتێن گرێدای رێکخستیا داعش ھێرش کرە سەر ھونەرمەندێ مللی یێ مسری “شعبان عبدالرحیم” و فەتوایەک دەرکریە کو خوینا وی یا حەلالە پشتی سترانەک بەرھەڤکری و تێدا ھێرش کریە سەر وێ رێکخستیێ و ئەمیرێ وان ئەبو بکر بەغدادی، شەعبانی ب ئێک رستە بەرسڤا وان دایە و گۆت” بھێلە ب ھیڤیا خودێ ڤە”.
شەعبانێ بۆ سایتێ “عربیە نێت” دیار کر کو ئەو سەرسۆرمان ما پشتی ھەڤبەندیەکا تەلەفۆنی بۆ ژ دەرڤەی مسرێ ھاتی و زاراڤێ شامی دئاخفت و پرسیار ژێ کری کا بۆچی وی ئەو ستران چێکریە و ھۆشداری دایێ کو ئەو دێ ژ لایێ داعش ڤە ھێتە کوشتن وەکو سزایەک بۆ وێ سترانێ.
ناڤبری زێدەتر گۆت: ئەز ژ خودێ پێڤەتر ژ کەسێ ناترسم و ئەز ژ گەفێن داعش ژی ناترسم و ئەوا من کری وژدانا من تەنا کریە بەرامبەر وان کار و کریارێن داعش دژی ئیسلامێ دکەن و ناڤێ موسلمانان تێکددەن و من بەرسینگێ وان ب پەیڤ و ئاوازان گرت و ئەو ژی ب خوینێ و سەربڕینێ بەرسڤا ھەڤڕکێن خوە ددەن.
