داعش دێ به‌ر ب ئوردن و سعوديێ چيت
پشي داعش چه‌ند ده‌ڤه‌ره‌كێن سووريا و عيراقێ ئێخستينه بن ده‌ستێ خوه، ئارمانجا وان ئه‌وه به‌ر ب وه‌لاتێن ئوردن و سعوديێ بچن، چونكو فرۆكێن ئه‌مريكي گورزێن مه‌زن ل عيراقێ لێ دده‌ت.
فرانك والته‌ر وه‌زيرێ ده‌رڤه يێ ئه‌لمانيا د كۆنگره‌كي دا ل باژێرێ هامبورگ ديار كر كو سنوورێ چالاكيێن داعش ب تنێ ل ڤان ده‌ڤه‌رێن سووريا و عيراقێ نابن و دێ به‌ر ب وه‌لاتێن هه‌ڤسۆ ڤه چن و ئارمانجا وان يا داهاتي ئوردن و سعوديێ نه و گۆت:»داعش خودان ئايدۆلۆژيايه‌كا مه‌ترسيداره«.
ژ ئاليه‌كێ دي ڤه، گۆڤارا »دير شپيگل« يا ئه‌لماني د راپۆرته‌كێ دا به‌لاڤكريه كو ب هزاران چه‌كدارێن تاليبان ب نيازن بچنه ناڤ رێزێن داعش و ئارمانجا داعش دروستكرنا ده‌وله‌ته‌كێ يه كو سنوورێن وێ ژ هندستانێ ده‌ست پێ دكه‌ن و ل ئسپانيا ب دووماهي بهێن.
