داعش كار ل سه‌ر ده‌رێخستنا دراڤی دكه‌ت
ئه‌ڤرۆ نيوز:
پشتی گرتنا باژێری موسل كو ب باژێری دویێ دهێت ل عیراقێ و بنه‌جیهكرنا ده‌سه‌لاتا خوه نها داعش هزر ل ده‌رئێخستنا دراڤه‌كی تایبه‌ت ب خیلافه‌تی ڤه دكه‌ت.
داعش دڤێت وه‌ك دراڤێ ئیسلامی یێ ل سه‌رده‌مێ خه‌لافه‌تا راشدین دروست بكه‌ت كو دینار و ده‌رهه‌م ژ زێر و زیڤ هاتبونه دروستكرن و كار پێ دهاته كرن.
رۆژنامه‌یا ده‌یلی مه‌یل یا بریتانی به‌لاڤكر كو داعش كار بو ده‌رئێخستنا دراڤه‌كێ زێری ب ناڤێ دینار و زیڤ ژی ب ناڤێ ده‌رهه‌م دكه‌ت.
ئه‌گه‌ر دراڤێ كانزایی ژ زێر و زیڤی بهێته دروستكرن هێز و بهایێ دراڤێ بو ره‌وشا جوراوجور گوهورینا خوه ژ ده‌ست ناده‌ت و دمینیت ئه‌ڤه ئه‌و ئه‌گه‌ره كو داعش دڤێت د پێخه‌مه‌تا وێ دا كارێ زیده‌تر بو بكه‌ت.
بو جارا ئیكی ل سالا 634 ك ل سه‌رده‌می ده‌سه‌لاتا خه‌لیفه‌یێ سيێ يێ راشدی عوسمان عه‌فان سكه‌یێ ئیسلامی ب ناڤێ دینار ژ زێر و كێشا وی چوار گرام بو هه‌روه‌سا زیڤ ژی كو كێشا وی 3 گرام بوو هاتبوو دروستكرن.
