داعش مامۆستایه‌كێ زانكۆیا مووسل گوللـه‌بارانكر
ئه‌ڤرۆ نیۆز، قائید میرۆ
ئه‌ڤرۆ سێ پۆلیسێن داعش ژلایێ چه‌كدارێن نه‌نیاس هاتنه كوشتن و گروپا داعشژی مامۆستایه‌كێ زانكۆیا مووسل گوللـه‌بارانكر.
ژێده‌ره‌كێ ئاگه‌هدار ژ ره‌وشا مووسل ب ئه‌ڤرۆ نیۆز راگه‌هاند” ئه‌ڤرۆ هژماره‌ك چه‌كدارێن نه‌نیاس لتاخێ 17ی ته‌موز یا سه‌نته‌رێ باژێڕێ مووسل ته‌قه ل پۆلیسێ، داعشكر و د ئه‌نجامدا سێ پۆلیسێن داعش هاتنه كوشتن و چه‌كدارژی ب ترۆمبێله‌كا ئه‌ڤیۆ به‌ره‌ف جهه‌كێ نه‌دیار ره‌ڤین.
ژێده‌ری پتر گۆت” هه‌ر ئه‌ڤرۆ گروپا تیرۆرستیا داعش مامۆستایه‌كێ زانكۆیا مووسل ل كۆلیژا زانست بناڤێ دكتۆر عه‌بدولا سولتان عوبێدی ل سیكا چوارگۆشه گوللـه‌بارانكریه، ئه‌وژی بۆ ته‌مه‌تا سیخۆڕیێ بۆ هێزێن هه‌ڤپه‌یمانان.