داعش هه‌تا نوكه چه‌ند وه‌لاتیێن مووسل كوشتینه؟
ئه‌ڤرۆ نیۆز، قائید میرۆ
ئه‌ندامه‌كێ جڤاتا پارێزگه‌ها نه‌ینه‌وا ته‌كه‌زكر، ل سالا بۆری وه‌ره هه‌تا نوكه تیرۆرستێن داعش ل ناڤا باژێڕێ مووسل نێزیكی هزار وه‌لایێن مووسل ب تۆمه‌تێن جودا كوشتینه.
غه‌زوان حامد، ئه‌ندامێ جڤاتا پارێزگه‌ها نه‌ینه‌وا ب ئه‌ڤرۆ نیۆز راگه‌هاند” هه‌ر ل ده‌ستپێكا شه‌ڕێ داعش و گرتنا مووسل ژلایێ گروپا تیرۆرستیا داعش، رۆژانه خه‌لك ژلایێ داعشڤه ل ناڤا مووسل دهێته گولله بارانكرن و كوشتن”.
غه‌زوانی گۆتژی” هه‌ر رۆژ داعش وه‌لاتیێن مووسل یان گولله باران دكه‌ت یان بدارڤه دكه‌ت و گوره‌ی زانیاریێن مه رۆژ هه‌یه دو كه‌سا دكوژن و رۆژ هه‌یه هه‌تا 20 كه‌سا دكوژن، بشێوه‌یه‌كێ گشتی سالا بۆری هه‌تا نوكه داعش نێزیكی هزار وه‌لاتیێن مووسل كوشتینه”.