داعش هژماره‌كا زۆرا وه‌لاتیان ره‌ڤاندن
ئه‌ڤرۆ نیۆز، قائید میرۆ
گروپا تیرۆرستیا داعش ل ده‌ڤه‌ره‌كا نێزیك قه‌زا مه‌خموور هژماره‌كا زۆرا وه‌لاتیێن عه‌ره‌ب به‌ره‌ف جهه‌كێ نه‌دیار ره‌ڤاندن.
ره‌شاد گه‌لالی، به‌رپرسێ كۆمیته‌یا مه‌خموور یا ئێكه‌تیێ ب ئه‌ڤرۆ نیۆز راگه‌هاند” سپێده‌هیا ئه‌ڤرۆ تیرۆرستێن داعش ل رۆژئاڤایێ ناحیا قه‌راج هه‌ردو گوندێن حاجی عه‌لی و حوبنه دۆرپێچكرینه و 84 وه‌لاتیێن هه‌ردو گوندان ره‌ڤاندن.
گه‌لالی دیاركر” ئه‌گه‌رێ ره‌ڤاندنا ئه‌ڤێ هژمارا وه‌لاتیان ژلایێ داعڤه بۆ شكه‌ستنێن ڤێ دوماهیێ ڤه‌دگه‌ڕیت و چو ئه‌گه‌رێن دی نینه تنێ دخوازن كه‌رب و كینا خوه ب خه‌لكێ سڤیل بڕێژن.
