دالکورد دخۆلا سوید دا پێشڤە چو
ئەڤرۆ نیوز:
نوونەرا کوردا دخۆلا پلا ئێک یا سوید دا یانا دالکورد شیا سەرکەفتنا خوە یا پێنجێ ل وەرزێ ئەڤ سالە توماربکەت پشتی بەری دەمەکێ کێم شیای سەرکەفتنەکا گرنگ ل سەر یانا ھالمستاد توماربکەت ب گولەکێ بێ بەرامبەر ژ چارچوڤێ یاریێن گەرا ١٢ ژ خۆلا سوپەرتان یا پلا ئێک یا سوید.
د ڤێ یاریێ دا دالکورد ل نیڤا ئێکێ چەندین بزاڤکرن بۆ تومارکرنا گولێ لێ بەرەڤانێن یانا ھالمستاد بەرەڤانیەکا دژوار کر و ل نیڤا دوێ راھێنەرێ یانا دالکورد چەند گوھورین ل پێکھاتیێ تیمێ دا کرن و ل دەقیقا دووماھیێ ژ دەمێ زێدەکری (٣+٩٠) یاریزانێ دالکورد یێ پێگوھور سیسکو شیا گولا سەرکەفتنێ بۆ یانا خوە توماربکەت و ب ڤێ سەرکەفتنێ دالکورد پێشڤە چو رێزا شەشێ ب ١٧ خالان .
ھەژی گوتنێ یە یانا دالکورد ل وەرزێ ئەڤ سالە ١٢ یاری دخۆلا سوید دا کرینە شیا ٥ سەرکەفتنا توماربکەت ل گەل ٥ خوسارەتیا و دو وەکھەڤیا و ١٣ گول تومارکرینە و ١٧ گول سەر ھاتینە تومارکرن.
