دالکورد ژبەر ئالا و وێنەیێ سەرۆکێ پارتەکا کوردی ھاتە سزادان
ئەڤرۆ،ھەژار مەعروف:
ئێکەتیا تەپا پێ یا سوید ب فەرمی ل ڤێ حەفتیێ بریارا سزادانا یانا دالکورد یا کوردی ل وەلاتێ سوید دا پشتی جەماوەرێ وێ ل دو یاریێن یانێ یێن بوری ل وەرزێ ئەڤ سالە وێنەیەکێ سیاسی ھەردیسان ئالایێ پارتەکا سیاسی ل یاریگەھێ ب کار ئینای .
ئێکەتیا تەپا پێ یا سویدی ل سەر مالپەرێ خوە یێ فەرمی راگەھاندی یە یانا دالکورد ب کوژمێ ٢٥ کرونێن سویدی ھاتیە سزادان ژبەر ئەو دروشمێن سیاسی ژلایێ جەماوەرێ وێ ڤە ل دو یاریێن وێ یێن بوری ھاتینە بەلاڤەکرن و ھەکە ئەڤ چەندە دوبارە بیت دێ سزایێن مەزنتر ھێنە دانێ .
ھەردیسان ئەو چەندە ژی ھاتیە دیارکرن کو ل یاریا بەرامبەر ئایک و ھاکێن جەماوەرێ یانا دالکورد ئالایێ پارتا pkk یا کوردی ل یاریگەھێ بلندکربوو ھەردیسان ل گەل وێنەیەکێ سەرۆکێ وێ پارتی ژی ب دروشمێ بوو ئازادکرنا عەبدوللا ئوجەلان .
ھەژی گوتنێ یە ل دویڤ یاسایا ئێکەتیا تەپا پێ یا سویدی نابیت ئالایێ چو پارتا و ھەردیسان پەیڤێن سیاسی و رەگەز پەرستی ل یاریگەھێن وێ بھێنە ب کار ئینان.
