دانانا پیڤەرێن زیرەک ل زاخۆ د قۆناغا دەستپێکێ دایە
ئەڤرۆ نیوز، عەلی حاجی :
رێڤەبەرێ بەلاڤ کرنا کارەبێ ل زاخۆ بۆ ئەڤرۆ نیوز دیار کر دانانا پیڤەرێن زیرەک ل زاخۆ بەردەوامە و ل چەند گەرەکێن دەستپێکی ژی رێژەیەکا باش یا پیڤەران هاتینە دانان و ئەڤ پروسەیە بێ کێشە یا بەردەوامە.
زێدەتر نور گەرابێت گۆت: (بۆ دەما زێدەتری ١٥ رۆژایە ل زاخۆ دەست ب دانانا پیڤەرێن زیرەک هاتیە کرن ژلایێ کومپانیا بەرپرس ڤە و هەتا ل چەند گەرەکێن زاخۆ ١٧٦٩ کو سەرجەمێ گشتیێ پیڤەران ژی نێزیکی پێنچ هزار پیڤەران ژی هاتینە دانان وکو هەتا نوکە دانانا وان پیڤەران د دوو قوناغا دا دەرباز بویە و قوناغا سیێ ژی دێ ئەو پیڤەر دناڤ کومپیوتەری دا هێنە دانان و بۆ باژێری زاخۆ نێزیکی سێ هەتا چار هەیڤان ڤەکێشیت ژبەر کو نوکە زاخۆ قوناغا دەست پێکێ دایە و دێ پێدڤی ب دەمی بیت هەتا ب ئێکجاری پیڤەر بهێتە دانان و هەتا پیڤەر بۆ هەمی باژێرێ زاخۆ دهێتە دانان ژ نوو دێ کار ب پیڤەران هێتە کرن و هەتا قوناغێن دانانا پیڤەران ب دوماهی نەهێت کار ب وان پیڤەران ناهێتە کرن و کار کرن ب وان پیڤەران ژی دێ ب بریارا وەزارەتا کارەبێ یا حکومەتا هەرێما کوردستانێ بیت) .
ناڤهاتی ئەو چەندە ژی گۆت: (بۆ ڤێ قوناغێ پیڤەر بۆ وەلاتیان دهێتە دانان بێ بەرامبەر و بەلێ بۆ قوناغێن بهێت نزانین کا دێ ب پارە بیت یان نە بەلێ بۆ نوکە هەمی کار بێ بەرامبەر ژلایێ کومپانیێ ڤە دهێتە کرن و پێدڤی یە بۆ دانانا پیڤەران ژی وەلاتی ل رێڤەبەریا مە مامەلەیێن خوە ب رێڤە بەن دا کو پیڤەر بۆ وان بهێتە دانان و هەکە ب مامەلەیێن خوە ب رێڤە نەبەن پیڤەر ناهێنە دانان بۆ وی کەسی).
