دانی ئەلڤێس پێگوھورێ رونالدوی دیارکر
ئەڤرۆ:
یاریزانێ ستێرا بەرەڤانیا ھەلبژارتیێ بەرازیل و پاریس سانجێرمان دانی ئەلڤیس دیارکر وەلاتیێ وی و یاریزانێ یانا مانچستەر سیتی گابریل خیسوس شیانێن مەزن ھەنە و و ھێزەکا مەزن ھەیە ب بیتە پێگوھورێ ئەڤسانەکێ بەرازیلی یێ بەری نوکە.
زێدەتر ئەلڤیس بۆ دەزگەھێن راگەھاندنا ئورۆپی دیارکر خیسوس ماوێ سالەکێ یە یاری ل گەل یانا مانچستەر سیتی دکەت و شیایە ئاستەکێ بلند ل گەل ئەوێ یانێ پێشکێشبکەت و نوکە گرنگیەکا مەزن ب ڤی یاریزانی ژلایێ مەزنێن ئورۆپا ڤە دھێتەکرن و ئەڤی یاریزان ل گەل ھەڤالێ خوە نیماری شیا ئێک ژ باشترین ئاست ل گەل ھەلبژارتیێ بەرازیل پێشکێش بکەن د ڤاڤارتنێن موندیالا ٢٠١٨ و ب سەرکێشیا ئەڤان ھەردو ستێران دێ ھێلا پێشیا یا ھێرشبەریا بەرازیل یا سەرکەفتی بیت د موندیالا ٢٠١٨ و شێن جارەکا دی ھەیبەتا ناڤێ بەرازیل د موندیالێن جیھانی دا ڤەگەرینن.
ئالڤیس ئەو چەندە ژی دیارکر ئەوی باوەریەکا مەزن ب ڤی یاریزانی ھەیە و دێ خیسوس پێگوھورێ ھێرشبەرێ ئەڤسانە یێ ھەلبژارتیێ بەرازیل یێ بەری نوکە رونالدوی بیت ژبەرکو شیانێن خیسوس گەلەک ب ھێزن و د ژیەکێ بچووک دایە و دەلیڤەکا مەزن ھەیە ئاستێ ئەڤی یاریزانی پتر پێشکەڤیت.
