دایكه‌ك ب رێیا فێسبوكێ دزانیت زارۆیێ وێ یێ ل ناڤ داعش
ئه‌ڤرۆ نیوز:
پشتى كو ل هه‌یڤا 11 یا سالا 2013، لێ به‌رزه‌بووى، دایكه‌ك یا ب ره‌گه‌ز كوبى كو ل ئیتالیا دژیت، ل ئێك ژ په‌یجێن داعش وێنێ كورێ خوه یێ سێ سالى دبینیت.
رۆژناما كورێرى دێلا سێرا یا ئیتالى به‌لاڤكریه: لیدیا سولانا هیریرا دایكا وى زارۆى راگه‌هاندى یه كو ده‌مێ ب سه‌ره‌دان چووینه كوبا، هه‌ڤژینێ وى ل گه‌ل كورى وى چوینه سوریێ بۆ شه‌رى ل رێزێن داعش.
ڤێ دایكا گوتیه : شه‌ڤ و رۆژا ئه‌ز نڤێژان دكه‌ن ژ پێخه‌مه‌ت كورێ من ڤه‌گه‌ریت، چونكه كورێ من هه‌موو ژیانا منه.
جهێ ئاماژه‌كرنێ یه، پشتى ده‌ركه‌فتنا وێنێ ڤى زارۆى، وێنێ لاشێ بابێ ڤى كورى ل ئه‌نته‌رنێتێ به‌لاڤبوو كو یێ هاتیه كوشتن، به‌لێ هه‌تا نوكه كه‌س چ ژ چاره‌نڤیسێ ڤى زارۆى نزانیت.
