دا له‌فه‌یه‌كێ خۆت ترۆمبێلا وی هاته دزین
ئه‌ڤرۆ نیۆز، قائید میرۆ:
شه‌ڤا بۆری لباژێڕێ هه‌ولێرێ د روویدانه‌كا كێم وێنه‌دا ته‌كسیه‌ك هاته دزین ئه‌و ژی ده‌مێ شوفێری دخواست له‌فه‌یه‌كێ بخوت گه‌نجه‌كی ترۆمبێلا وی ره‌ڤاند و دزی.
نه‌قیب هێمن گه‌ردی، به‌رپسێ بنگه‌هێ پۆلیسێن كۆمه‌لگه‌ها شاوێس ب ئه‌ڤرۆ نیۆز راگه‌هاند” شه‌ڤا بۆری ل ناحیا شاوێس یا نێزیك سه‌نته‌رێ باژێڕێ هه‌ولێرێ شوفێره‌كێ ته‌كسیێ دخواست له‌فه‌یه‌كێ بخۆت و ترۆمبێلا وه ب پێكری هێلایه و چوویه ناڤا خارنگه‌هێ، به‌لێ گه‌نجه‌كی ب ده‌لیڤه زانیه ترۆمبێلا ته‌كسی دزیه.
نه‌قیب هێمنی گۆت ژی” پشتی گه‌هشتنا هێزێن ئه‌منی بۆ جهێ روویدانێ ده‌م و ده‌ست هێزێن ئاسایش و پۆلیسان ده‌ست لڤینانكر و پشتی 45 ده‌قیقا ژ دزینا ترۆمبێلا ژلایێ خالا پشكنینا كاوانیان یا نێزیك قه‌زا شه‌قلاوه ده‌ست بسه‌ر ترۆمبێلێ دا هاته گرتن و گه‌نجێ دزیكه‌ر هاته‌گرتن و ڤه‌كۆلین به‌رده‌وامن.
