دبزاڤا كونترۆلكرنا نه‌خوشخانا ره‌بیعه‌دا فه‌رماندێ هێزا ده‌ستوه‌شین برینداربوو
ئه‌ڤرۆ نیۆز: چكدار ئه‌ترووشى
پشتى كو دوهى پێشمه‌رگه‌ێ هه‌رێما كوردستانێ ل ده‌ڤه‌را ره‌بیعه هێرشه‌كا مه‌زن و دژوار كریه ل سه‌ر بنگه‌هێن تیرۆرستێن داعشێ ل ناڤه‌ندا ناحیا ره‌بیعه و چه‌ندین گوندێن ده‌ور و به‌رێن وێ ناحیێ ژى هاتیه رامالێن ژ تیرۆرستان، ل ناڤه‌ندنا ناحیا ره‌بیعه هژماره‌كا تیرۆرستان دناڤ بنگه‌هێ نه‌خوشخانا ره‌بیعه دا ژ ئالیێ پێشمه‌رگه‌هێ هه‌رێما كوردستانێ هاتبوونه دۆرپێچ كرن.
ل دۆر ڤى بابه‌تى فه‌رماندێ فه‌رمانده‌یا هێزا ده‌ستوه‌شین شێخ ئه‌حمه‌د تایبه‌ت بۆ مالپه‌رێ ئه‌ڤرۆ نیۆز گۆت: به‌رى چه‌ند ده‌مژمێران هێزا فه‌رمانده‌یا ده‌ستوه‌شین یا پێشمه‌رگه‌ێ هه‌رێما كوردستانێ ب فه‌رمانده‌یا شێخ ئه‌حمه‌د گه‌لى رومانى هێرشه‌كا مه‌ردانه كره ل سه‌ر جهێ تیرۆرست تێدا هاتیه دۆرپێچكرن و پێشمه‌رگه‌ێ قاره‌مان دڤیان جهێ وان كونترۆل بكه‌ن.
هه‌روه‌سا فه‌رمانده‌یێ هێزا ده‌ستوه‌شین ئاشكراكر، ئه‌و هێرش ب نارنجوكێن ده‌ستى ل سه‌ر تیرۆرستان هاتیه ئه‌نجامدان و ئه‌و بخوه ژى بسڤكى هاتیه برینداركرن دوێ هێرشێ دا.
